Suryakumar Yadav Century: इंग्लंडविरुद्धच्या तिसऱ्या T20 सामन्यात टीम इंडियाचा (INDvsENG) मधल्या फळीतील स्फोटक फलंदाज सूर्यकुमार यादवने आपल्या बॅटचे कसब दाखवले. यादवने इंग्लंडविरुद्ध टी-20 कारकिर्दीतील पहिले शतक झळकावले. त्याने 55 चेंडूत 6 षटकार आणि 14 चौकारांच्या मदतीने 117 धावा केल्या. आंतरराष्ट्रीय T20 मध्ये सर्वाधिक धावा करणारा तो भारताचा दुसरा क्रिकेटर ठरला आहे. या शतकामुळे तो भारतासाठी आंतरराष्ट्रीय T20 मध्ये शतक झळकावणारा 5वा खेळाडू ठरला आहे. त्याच्या आधी सुरेश रैना, रोहित शर्मा (Rohit Sharma), केएल राहुल आणि दीपक हुड्डा यांनी ही कामगिरी केली आहे. कालच्या मॅचनंतर सोशल मीडियावर चाहते अक्षरशः पेटून उठलेत. सूर्यकुमार यादवची जबरदस्त खेळी बघून लोकांनी त्याला डोक्यावर घेतलंय. #SuryakumarYadav (Suryakumar Yadav SKY) ट्विटरवर टॉप ट्रेंडिंग आहे आणि चाहते या हॅशटॅगसह स्वतःच्या प्रतिक्रिया देत आहेत. बघुयात, काय चालू आहे सोशल मीडियावर…
