Video : मित्रांसोबत ट्रेकिंगला गेला, पाय घसरुन पडला, चक्क डोंगराच्या मधोमध अडकला, 127 Hours सिनेमापेक्षाही भयंकर!

त्रिवेंद्रम : केरळमध्ये (Kerala) एक धक्कादायक घटना घडली आहे. काही मित्र ट्रेकिंग करण्यासाठी केरळमधील पलक्कड येथील मलमपुझा भागात गेले होते. यावेळी ट्रेकिंग (Trekking) करत असताना एका तरूणाचा तोल गेला आहे आणि तो डोंगराच्या मध्यभागी अडकला आहे. विशेष म्हणजे हा तरूण (Young) सोमवारपासून अडकून बसला आहे. पडल्यामुळे तरूण जखमी देखील आहे. तरूणाला खाण्या-पिण्याचे साहित्य पाठवणे देखील अवघड झाले आहे.

केरळमधील तरूण पहाडावर अडकला

त्याचे झाले असे की, काही मित्र मिळून ट्रेकिंग करण्यासाठी गेले होते. मात्र, तोल जाणून हा तरूण डोंगराच्या मध्यभागी अडकला. त्यानंतरसोबत असलेल्या मित्रांनी त्याला वाचवण्यासाठी खूप प्रयत्न केले. मात्र, हा तरूण ज्याठिकाणी अडकला आहे तेथे पोहचणे अवघड आहे. त्यानंतर तरूणाच्या मित्रांनी याबाबत पोलिसांना माहीती दिली. पोलिस घटनास्थळी दाखल झाले. मात्र, पोलिस देखील या तरूणाची काहीही मदत करू शकले नाही. या तरूणाचा डोंगरावर अडकलेला व्हिडीओ सोशल मीडियावर वाऱ्यासारखा व्हायरल झाला आहे.

इथे पाहा तरूणाचा पहाडावर अडकलेला व्हिडीओ 

केरळचे मुख्यमंत्री पिनाराई विजयन यांनी मागितली मदत

केरळचे मुख्यमंत्री पिनाराई विजयन यांनी तर तरूणाला वाचवण्यासाठी भारतीय सेना आणि एनडीआरएफची मदत देखील मागितली आहे. हा तरूण जवळपास 127 तासांपासून डोंगरावर अडकलेला आहे. केरळमधील ही सर्व घटना एखाद्या चित्रपटातील स्टोरीसारखीच वाटते आहे. तरूणाला वाचवण्यासाठी पलक्कडमध्ये कोस्ट गार्डच्या हेलिकॉप्टरसह अनेक प्रयत्न केले गेले आहेत. या तरूणाकडे अन्न-पाणी नाहीये. मात्र, तरूणाला काहीही मदत पुरवता येत नाहीये.

संबंधित बातम्या : 

VIDEO : लग्नातील वऱ्हाडींचा श्रीवल्ली ठेका, डान्स पाहून जेवणकऱ्यांच्या काळजाचा चुकला ठोका!

Emotional Video Viral : जगात आईपेक्षा कुणीही मोठं नाही म्हणत मुलाचा प्राणत्याग!