Video: अरेरे, शत्रूसोबतही असं घडू नये! McDonald’s मध्ये काऊंटरच्या रांगेत असताना तिला केलं प्रपोज अन्..
एका तरुणाने प्रपोज करण्यासाठी अत्यंत हटके पर्याय अवलंबला. मात्र त्यानंतर काय झालं, हे पाहिल्यावर तुम्हालाही वाईट वाटेल. हा व्हिडीओ (Viral Video) सध्या सोशल मीडियावर व्हायरल होत असून त्यावर नेटकऱ्यांच्या विविध प्रतिक्रिया उमटत आहेत.
आपण जिच्यावर प्रेम करतो, तिला प्रपोज करतानाचा क्षण अविस्मरणीय व्हावा यासाठी अनेकजण विविध युक्त्यांचा विचार करतात. सर्वांत हटके प्रपोज (Propose) कसं करता येईल, यासाठी मित्रमंडळींकडूनही सल्ले घेतले जातात. त्यातही ते प्रपोजल सरप्राइज ठरणारं असेल तर प्रेयसीची प्रतिक्रिया काय असेल, याकडे सर्वांचं लक्ष असतं. अशाच एका तरुणाने प्रपोज करण्यासाठी अत्यंत हटके पर्याय अवलंबला. मात्र त्यानंतर काय झालं, हे पाहिल्यावर तुम्हालाही वाईट वाटेल. हा व्हिडीओ (Viral Video) सध्या सोशल मीडियावर व्हायरल होत असून त्यावर नेटकऱ्यांच्या विविध प्रतिक्रिया उमटत आहेत. या व्हिडीओतील तरुणाने मॅकडॉनल्ड्सच्या (McDonald) रांगेत उभं असताना आपल्या पुढील महिलेला सर्वांसमोर प्रपोज केलं. सार्वजनिक ठिकाणी प्रपोज करताना प्रेयसी किंवा एखादी महिला आपल्याला होकार देईल याची खात्री मात्र नक्की असावी. नाहीतर मग पुढे काय घडेल हे सांगता येत नाही.
सोशल मीडियावर व्हायरल झालेल्या या व्हिडीओमध्ये, एक महिला मॅकडॉनल्ड्सच्या फूड काऊंटरवर उभी राहून तिची ऑर्डर देताना दिसतेय. तिच्यामागे बरीच मोठी रांग आहे. रांगेत तिच्याच मागे उभा असलेला एक तरुण अचानक हातात अंगठीचा बॉक्स घेऊन गुडघ्यांवर बसू लागतो. सुरुवातील ती महिला त्याकडे दुर्लक्ष करते. मात्र त्याठिकाणी उपस्थित असलेले इतर लोक जेव्हा तिला होकार देण्यासाठी चिअर करत असतात तेव्हा ती रागाने नकारार्थी मान हलवते. इतरांकडूनही होकारासाठी दबाव होत असल्याचं पाहत ती त्याच्याशी भांडते आणि थेट तिथून निघून जाते. थोड्या वेळानंतर तो तरुणही तिथून निघून जातो. दक्षिण आफ्रिकेच्या जोहान्सबर्ग याठिकाणी ही घटना घडल्याचं कळतंय.
पहा व्हिडीओ आणि त्यावरील प्रतिक्रिया-
Witnessed such a sad situation today yoh ? pic.twitter.com/RPFvMS7bga
— ⭐️Certified Fixer⭐️ (@Madame_Fossette) April 27, 2022
?Unless you’ve discussed it beforehand and you know they like this kind of thing, DO NOT PROPOSE IN PUBLIC!! https://t.co/TFnYB8q9MA
— Charlie. He/Him (@EilrahcPan) May 4, 2022
Don’t publicly propose if : A. There is a possibility of rejection B. At a McDonalds counter C. With a supermarket trolley full of groceries D. When you’re already wearing a wedding ring (NANI???!!!) E. All of the above. Just don’t and spare everyone the secondhand embarassment. https://t.co/jzb3gkTUic
— ᴊᴏᴇ ʟᴇᴇ (@iamjoelee) May 4, 2022
Who tf actually proposes at a McDonald’s??? ? She probably would have said yes if she wasn’t so uncomfortable too? https://t.co/UvxswoCPLo
— Chan’sFavouriteChartManipulator (@Lulovesblue) May 2, 2022
सोशल मीडियावरील या व्हिडीओ लाखो व्ह्यूज मिळाले असून अनेकांनी त्यावर विविध प्रतिक्रिया व्यक्त केल्या आहेत. ‘मुलीने होकार द्यावा यासाठी मुद्दाम सार्वजनिक ठिकाणी प्रपोज केलं जातं’, असं एका युजरने म्हटलं. तर काहींनी या व्हिडीओला प्रँक असल्याचं म्हटलंय. पब्लिक प्रपोज करण्याचा तोटा, असंही एकाने लिहिलंय.
