Snow Fall Places : बर्फवृष्टी पाहायची असेल तर ‘या’ ठिकाणांना भेट देण्याचा करा प्लॅन
हिवाळ्यातील थंड वारा, सूर्यप्रकाशाची हलकी किरणे आणि बर्फाच्छादित टेकड्या हिवाळ्याचा हंगाम आणखी खास बनवतात. बर्फवृष्टीच्या वेळेस काही ऍक्टिव्हिटी करायची संधी डोंगराळ भागात मिळते. हिवाळ्यात बर्फवृष्टीचा आनंद लुटण्यासाठी तुम्ही या ठिकाणांना भेट देण्याचा प्लॅन करू शकता.
थंडीच्या दिवसात बर्फपडत असलेल्या ठिकाणी डोंगरावर फिरण्याचा एक वेगळाच आनंद मिळतो. बर्फाच्छादित टेकड्या, थंड गार वारे आणि शांततेचे वातावरण या सगळ्यामुळे हिवाळ्यात डोंगराळ भागात फिरणे खास ठरते. अशा वेळी डोंगरांच्या नैसर्गिक सौंदर्यात वेळ घालवल्याने मनाला शांती मिळते. हिवाळ्यात जेव्हा तुम्ही डोंगरावर जाता तेव्हा सर्वात आधी बर्फाच्या पांढऱ्या डोंगरांनी आच्छादलेले डोंगर आपल्याला आकर्षित करतात. हिवाळ्यात बर्फाचे थर पांढऱ्या रंगाने डोंगराळ भाग व्यापून टाकतात, ज्यामुळे संपूर्ण दृश्य मोहक आणि शांत दिसते. जेव्हा सूर्याची किरणे बर्फावर पडतात तेव्हा ते चमकतात, ज्यामुळे दृश्य अधिकच आकर्षक होते.
ट्रेकिंग, हायकिंग, स्कीइंग सारख्या ऍक्टिव्हिटीसाठीही हे हवामान उत्तम आहे. बर्फावर चालण्याची एक वेगळीच मजा असते. उन्हाळ्याच्या तुलनेत हिवाळ्यात पर्यटकांची संख्या कमी असते, त्यामुळे निसर्गसौंदर्याचा अधिक शांतपणे आनंद घेता येतो. जर तुम्हालाही हिवाळ्यात बर्फवृष्टीच्या ठिकाणी जायचे असेल तर तुम्ही या ठिकाणांना भेट देण्याचा प्लॅन करू शकता.
कुफरी
तुम्ही शिमल्याला गेलात तर तेथील कुफरी या शहराला भेट देण्याची योजना आखू शकता. नोव्हेंबर ते मार्च हा काळ येथे बर्फवृष्टी पाहण्यासाठी योग्य ठरेल. या काळात कुफरीयेथे सर्वाधिक बर्फवृष्टी होते. हिवाळ्यात या ठिकाणाला वंडरलँड असेही म्हणतात. डोंगराळ भागात बर्फ जमा होतो, ज्यामुळे येथे स्कीइंग आणि अनेक प्रकारच्या ऍक्टिव्हिटी करण्याची संधी मिळते. दरवर्षी फेब्रुवारी महिन्यात येथे हिवाळी क्रीडा महोत्सवाचे ही आयोजन केले जाते. येथे तुम्ही हिमालयन नेचर पार्क, महासू शिखर आणि ग्रीन व्हॅली अशी अनेक ठिकाणे एक्सप्लोर करू शकता.
मॅक्लोडगंज
हिमाचल प्रदेशात असलेल्या मॅक्लोडगंजमध्येही बर्फवृष्टी पाहायला जाऊ शकता. येथे ऑक्टोबर ते फेब्रुवारी दरम्यान येथील दऱ्या बर्फाच्या पांढऱ्या चादरीने झाकल्या जातात. येथे तुम्ही भागसू धबधबा, त्रियुंड, नेचुंग मठ, सनसेट पॉइंट, इंद्रहर पास, महाराणा प्रताप सागर तलाव, धरमकोट, तिबेटी बाजार आणि डल लेक अशी ठिकाणे पाहू शकता. याशिवाय बगलामुखी मंदिर, नामग्याल मठ आणि मसरूर मंदिरालाही भेट देऊ शकता.
खाज्जियार
हिमाचल प्रदेशच्या चंबा जिल्ह्यात असलेल्या खज्जियार गावालाही तुम्ही भेट देऊ शकता. हे ठिकाण डलहौजीपासून सुमारे २१ किलोमीटर अंतरावर आहे. हिवाळ्यात खज्जियारच्या दऱ्या बर्फाच्या चादरीने झाकलेल्या असतात. कलाटॉप वन्यजीव अभयारण्य, खज्जियार तलाव, कैलास गाव, पंच पांडव वृक्ष, तिबेटी हस्तकला केंद्र, नाइन होल गोल्फ कोर्स, हिमाचल प्रदेश राज्य हस्तकला केंद्र आणि धौलाधार रेंज अशी अनेक ठिकाणे एक्सप्लोर करू शकता. त्याचबरोबर राखेडचे दैनकुंड शिखर, छत्र्याराचा पाचपुला, धर्मशाळेचा डल तलाव आणि खज्जियारजवळील बक्रोटाचा गंजी हिल अशा काही ठिकाणांना ही भेट देता येते.
हिवाळ्यात डोंगरावर जाण्यासाठी अनेक खबरदारी घ्यावी लागते. बर्फवृष्टीमुळे रस्ते निसरडे होऊ शकतात आणि तापमान खूप कमी असू शकते, म्हणून थंडीपासून बचाव करण्यासाठी उबदार कपडे परिधान करणे आणि उबदार टोपी, हातमोजे आणि शूज बाळगणे महत्वाचे आहे. याशिवाय डोंगराळ भागातील हवामान झपाट्याने बदलू शकते, त्यामुळे त्यावेळी तेथील हवामानाची योग्य माहिती जाणून घेतल्यानंतरच तेथे जाण्याचा प्लॅन करा.
