Video: जीव धोक्यात घालून हरणाच्या पाडसाला वाचवलं, नेटकऱ्यांकडून कौतुकाचा वर्षाव

व्हायरल झालेल्या व्हिडिओ क्लिपमध्ये एक हरणाचे पिल्लू नदीत बुडताना दिसत आहे. यावेळी एक व्यक्ती झाडाच्या तुटलेल्या फांदीच्या मदतीने त्याला वाचवण्याचा प्रयत्न करते. व्हिडिओ पाहून तुम्ही अंदाज लावू शकता की, त्या व्यक्तीने आपला जीव किती धोक्यात घालून हरणाच्या पिलाला पाण्यातून बाहेर काढले.

तळ्यात बुडणाऱ्या हरणाच्या पाडसाला वाचवलं

टीव्ही 9 मराठी डिजीटल टीम | Updated on: Oct 23, 2021 | 4:44 PM

एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये एक माणूस नदीत बुडणाऱ्या हरणाच्या पिलाला वाचवताना दिसत आहे, आणि आपला जीव पणाला लावत आहे. हा व्हिडिओ पाहिल्यानंतर, नक्कीच, तुम्हीही या व्यक्तीचे कौतुक केल्याशिवाय राहणार नाही. हा व्हिडिओ सोशल मीडियावर लोकांना खूप लाईक केला जात आहे. (Viral Video shows a baby deer drowning in the river saved by a man)

व्हायरल झालेल्या व्हिडिओ क्लिपमध्ये एक हरणाचे पिल्लू नदीत बुडताना दिसत आहे. यावेळी एक व्यक्ती झाडाच्या तुटलेल्या फांदीच्या मदतीने त्याला वाचवण्याचा प्रयत्न करते. व्हिडिओ पाहून तुम्ही अंदाज लावू शकता की, त्या व्यक्तीने आपला जीव किती धोक्यात घालून हरणाच्या पिलाला पाण्यातून बाहेर काढले. मग काही वेळ तो हरणाच्या पिल्लाकडे एकटक बघत राहतो. यानंतर ही व्यक्ती पिलाला खांद्यावर उचलून तलावाच्या बाहेर येते. आधी हा व्हिडीओ पाहा.

The purpose of life is not to be happy… It is to be useful? pic.twitter.com/PQBlJyTa2z

— Susanta Nanda IFS (@susantananda3) October 22, 2021

30 सेकंदांची ही व्हिडिओ क्लिप IFS सुशांत नंदा यांनी त्यांच्या ट्विटर अकाउंटवर शेअर केली आहे. यासोबतच त्याने कॅप्शनमध्ये लिहिले आहे की, जीवन जगण्याचा उद्देश केवळ आनंदी राहणे नाही तर उपयोगी असणं देखील आहे. 22 ऑक्टोबर रोजी संध्याकाळी शेअर केलेला हा व्हिडिओ आता व्हायरल झाला आहे. हा व्हिडिओ आतापर्यंत 25 हजारांहून अधिक वेळा पाहिला गेला आहे, तर 25 शेहून अधिक लोकांनी त्याला लाईक केले आहे. ही संख्या सातत्याने वाढत आहे. व्हिडिओ पाहिल्यानंतर, लोक त्यावर सतत व्यक्त होत आहेत.

IFS च्या मथळ्यावर उत्तर देताना एका युजरने कमेंट केली आहे की, जेव्हा तुम्ही आनंदी असाल, तरच तुम्ही उपयुक्त असल्याचे सिद्ध करू शकता. कारण जेव्हा तुम्ही उदास असता, तेव्हा तुम्ही स्वतःला मदत करू शकत नाही. त्याचवेळी आणखी एका युजरने कमेंट करताना लिहिले आहे की, खूप चांगले सादरीकरण आणि उत्तम शब्दांचा वापर. हे जीवन केवळ तुमच्यासाठीच नाही, तर इतरांसाठीही आहे. त्याचवेळी, दुसर्‍या युजरने हरणाच्या पिलाला वाचवणाऱ्या व्यक्तीचे कौतुक करत लिहिले आहे, खूप कौतुकास्पद, पण हे पिल्लू आईशिवाय जगू शकेल का?

हेही वाचा: