इच्छा तिथे मार्ग! कॉफी बनवण्याचे हे देशी जुगाड पाहिलं का?, व्हिडीओ व्हायरल

मुंबई : इच्छा तिथे मार्ग असे म्हटले जाते. या म्हणीचा पुन्हा एकदा प्रत्यय आला आहे. एका व्यक्तीने कॉफी बनवण्यासाठी जे काही देशी जुगाड केले आहे. ते पाहून सर्वजण अश्चर्यचकित होत आहेत. हा व्हिडीओ सोशल मिडीयावर प्रचंड व्हायरल होत आहे. हा व्हीडीओ फुडी विशाल या युट्यूब अकांऊटवरून शेअर करण्यात आला आहे. या कॉफी विक्रेत्याने कॉफी बनवण्यासाठी जे काही जुगाड केले आहे. ते जुगाड पाहून या व्यक्तीवर कौतुकाचा वर्षाव होत आहे. हा व्हिडीओ आतापर्यंत सत्तर हजारांपेक्षा अधिक जणांनी पाहिला आहे.

काय आहे जुगाड?

या व्हिडीओमध्ये एक व्यक्ती कॉफी विकताना दिसत आहे. मात्र त्याच्याकडे जागा नसल्याने तो सायकलवर कॉफी विकत आहे. मात्र या सायकलवर गॅस कसा ठेवणार हा प्रश्न त्याच्यापुढे होता. याच समस्येमधून त्याला एक युक्ती सूचली त्याने कॉफी बनवण्यासाठी प्रेशर कुकरचा वापर केला आहे. त्याने आधीच कुकरमध्ये वाफेचे प्रेशर तयार करून ठेवले आहे. त्यानंतर तो चहाच्या मगमध्ये कॉफीसाठी आवश्यक असणाऱ्या सर्व वस्तू जसे की, कॉफी साखर, दूध अशा गोष्टी टाकतो. त्यानंतर तो हा मग त्या कुकरच्या समोर धरतो आणि एका पाईपच्या मदतीने प्रेशर नियंत्रीत करतो. या वाफेच्या प्रेशरवर कॉफी तयार होते.

लाईक, कमेंटचा पाऊस

हा व्हिडीओवर नेटकऱ्याकडून लाईक आणि कमेंटचा पाऊस पडत आहे. अनेक नेटकऱ्यांनी या व्हिडीओमधील व्यक्तीचे कौतुक केले आहे. एका व्यक्तीने कमेंट करताना म्हटले आहे की, भारतामध्ये टायलेंटची कमी नाही, फक्त त्याला योग्य दिशा मिळाली पाहिजे बस, तर दुसऱ्या अन्य एका इंटरनेट युजरने म्हटले आहे की, जेव्हा तुमच्या पुढे काही समस्या निर्माण होते तेव्हाच तुम्हाला त्यामधून मार्ग काढण्याची प्रेरणा मिळते. या व्यक्तीने देखील व्यवसायात येणाऱ्या संकटांवर मोठ्या कल्पकतेने आणि जिद्दीने मात केली आहे. या व्यक्तीने स्व:ताचा व्यवसाय सुरू केला आहे. सलाम अशा व्यक्तींच्या कल्पकतेला.

संबंधित बातम्या

11 वेळा लस घेतल्याचा दावा! आधी लोक म्हणाले वाह वाह, आता खावी लागेल तुरुंगाची हवा?

Airplane hits bird | पक्षी विमानाला धडकला, आवाज एका ब्लास्टसारखा झाला आणि सगळेच प्रवासी धास्तावले!

उंदराला पकडणं मांजरीला होत नाही शक्य, काय घडतं शेवटी? पूर्ण पाहा हा Viral Video