तुमच्या PF मध्ये किती पैसे असे चेक करा, त्याआधी UAN करा Activate
नोकरी करणाऱ्या अनेक जणांचं पीएफ अकाऊंट असतं. पण त्याची माहिती कुणालाच असते. त्या अकाऊंटमध्ये दर महिन्याला किती पैसे जातात. आतापर्यंत किती पैसे जमा झालेत याची साधी माहितीही अनेकांना नसते. हे पैसे तुम्ही महत्त्वाच्या कामांसाठी काढू देखील शकता. यासाठी काय प्रक्रिया असते. पीएफमधील पैसे कसे तपासायचे जाणून घ्या.
नोकरी करणाऱ्या प्रत्येक व्यक्तीकडे भविष्य निर्वाह निधी खाते असते. तुमच्या पगाराचा काही भाग आणि कंपनीचा काही भाग पीएफ खात्यात जमा केला जातो, जो निवृत्तीनंतर तुमच्यासाठी खूप उपयुक्त ठरतो. तुमच्या पगारातून तर PF कापला जात असेल आणि तुम्हाला जर तुमच्या पीएफ खात्यात किती पैसे जमा झाले आहेत ते जाणून घ्यायचे असेल तर तुम्ही ते घरी बसल्या तपासू शकता. यासाठी तुम्हाला तुमचा युनिव्हर्सल अकाउंट नंबर माहित असावा. पीएफ खात्याशी संबंधित काम ऑनलाइन पाहण्यासाठी UAN क्रमांक सर्वात महत्त्वाचा असतो. पण यासाठी तुम्हाला आधी तुमचा UAN सक्रिय करणे आवश्यक असते.
UAN सक्रिय कसा करावा
UAN सक्रिय करण्यासाठी, EPFO च्या अधिकृत पोर्टलला भेट द्या.
त्यानंतर सेवेतील (Service) कर्मचाऱ्यांसाठी (For Employee) निवडा.
सर्व्हिस लिस्टमधून सदस्य UAN च्या पर्यायावर क्लिक करा.
त्यानंतर नवीन विंडोमध्ये सक्रिय UAN लिंकवर क्लिक करा.
यानंतर तुमचा आधार क्रमांक, नाव, जन्मतारीख आणि मोबाईल क्रमांकासह तुमचा UAN टाका.
त्यानंतर तुमच्या नोंदणीकृत मोबाईल नंबरवर OTP साठी Get OTP वर क्लिक करा.
त्यानंतर OTP टाका आणि वैध OTP वर टाकून UAN सक्रिय करा.
तुमच्या मोबाईलवर एक पासवर्ड येईल, जो तुम्ही लॉगिनसाठी वापरू शकता.
यानंतर तुमचा UAN क्रमांक सक्रिय केला जाऊ शकतो.
सर्व तपशील EPF पासबुकमध्ये उपलब्ध असतील.
EPF पासबुक पीएफ खात्याशी संबंधित महत्त्वाची माहिती मिळू शकते. जसे की योगदान, व्याज आणि पैसे काढणे. डिजिटल पासबुक पीएफ शिल्लक, कंपनी किती पैसे जमा करत आहे आणि मिळालेले व्याज ट्रॅक करण्यासाठी वापरली जाऊ शकते.
