Mahila Samman Scheme : या योजनेत मिळेल मोठा परतावा, असा होईल फायदा
Mahila Samman Scheme : या आर्थिक वर्षात केंद्र सरकारने महिलांना आर्थिक पाठबळ देण्यासाठी महिला सन्मान बचत योजना सुरु केली आहे. या योजनेत मोठा परतावा मिळणार आहे. मोठा फायदा होणार आहे.
नवी दिल्ली : महिला सन्मान बचत योजना केंद्र सरकारची महत्वकांक्षी योजना आहे. यंदाच्या अर्थसंकल्पात या योजनेची घोषणा केंद्रीय अर्थमंत्री निर्मला सीतारमण यांनी केली होती. ही योजना केवळ महिलांसाठी आहे. एक रक्कमी रोख भरल्यानंतर हमीपात्र रक्कम लाभार्थ्याच्या खात्यात जमा होते. महिला सम्मान बचत प्रमाणपत्र योजना (MSSC) या 1 एप्रिल 2023 रोजीपासून सुरु करण्यात आली.या योजनेत महिला वा लहान मुलीच्या नावे 31 मार्च 2023 पासून दोन वर्षांसाठी खाते उघडता येईल. या योजनेत मोठा परतावा मिळणार आहे. मोठा फायदा होणार आहे.
येथे उघडा खाते महिला सम्मान सेव्हिंग सर्टिफिकेट योजना कोणतीही महिला अथवा लहान मुलीच्या नावे पालकांना सुरु करता येईल. योजनेतंर्गत 31 मार्च 2023 पासून दोन वर्षांसाठी खाते उघडता येईल. या योजनेत गुंतवणूकदारांना एकल प्रकारचे खाते उघडता येईल. खाते पोस्ट ऑफिस अथवा बँकेत उघडता येईल.
दोन लाख करा जमा या योजनेवर गुंतवणूकदारांना 7.5 टक्के निश्चित व्याज मिळेल. दोन वर्षांच्या कार्यकाळात, महिला अथवा लहान मुलींच्या नावे दोन लाख रुपयांपर्यंत ठेव ठेवता येईल. या योजनेत कमीत कमी 1,000 रुपये तर जास्तीत जास्त 2 लाख रुपये जमा करता येतील. वार्षिक 7.5 टक्के व्याज तिमाहीत जमा करता येईल.
एकूण किती रक्कम मिळणार गुंतवणूक केलेल्या रक्कमेवर व्याजाची रक्कम मिळेल. या योजनेत एखाद्या लाभार्थ्याने 2 लाख रुपयांची गुंतवणूक केली तर पहिल्या तिमाहीत या रक्कमेवर 3,750 रुपयांचे व्याज मिळेल. दुसऱ्या तिमाहीच्या शेवटी या रक्कमेवर दुसऱ्या गुंतवणुकीवर 3,820 रुपये व्याज मिळेल. यापद्धतीने ज्यावेळी बाँड मॅच्युर होईल, तेव्हा दोन लाख रुपयांचे, एकूण 2,32,044 रुपये मिळतील.
व्याजावर टीडीएस सीबीडीटीने 16 मे 2023 रोजी एक अधिसूचना काढली आहे. त्यानुसार मिळालेल्या व्याजावर कर सवलत मिळणार नाही. जर कोणत्याही आर्थिक वर्षात या योजनेतील व्याजाचा आकडा 40 हजार रुपयांपेक्षा अधिक असेल तर कलम 194ए अंतर्गत टीडीएस द्यावे लागेल.
इतकी काढता येईल रक्कम या योजनेत गुंतवणूकदारांना दोन वर्षांपर्यंत रक्कम ठेवता येईल. गरजेच्यावेळी रक्कम काढता येईल. खाते उघडल्यानंतर त्यांना एक वर्षानंतर खात्यातील रक्कम काढता येईल. एकावेळी खातेदार 40 टक्क्यांपर्यंत रक्कम काढू शकेल. लेखा कार्यालयात त्यासाठी फॉर्म क्रमांक 3 जमा करावा लागेल. त्यानंतर रक्कम प्राप्त होईल.
करा खाते बंद
- खातेदाराचा मृत्यू झाल्यास तेव्हा खाते बंद करता येईल
- खातेदार गंभीर आजारी असेल, त्याला असाध्य रोग असल्यास
- लहान मुलीचा मृत्यू झाल्यास, त्याचा नावाचे खाते बंद करता येईल
- आर्थिक विवंचना असेल, त्यासंबंधीची अडचण पटवून दिल्यास खाते बंद होईल
- इतर काही कारण असेल तर व्याजदराच्या अटींची पुर्तता करुन खाते बंद होईल
