पंतप्रधान मोदी लाँच करणार 64 हजार कोटींची हेल्थ इन्फ्रा स्कीम, जाणून घ्या सर्वकाही

नवी दिल्ली: देशभरातील आरोग्य सेवा पायाभूत सुविधा मजबूत करण्यासाठी पंतप्रधान नरेंद्र मोदी आज 64,180 कोटी रुपयांची प्रधानमंत्री आत्मनिर्भर स्वस्थ भारत योजना (PMASBY) लाँच करणार आहेत. PMASBY ही संपूर्ण भारतातील आरोग्य सेवा पायाभूत सुविधा मजबूत करण्यासाठी देशातील सर्वात मोठ्या योजनांपैकी एक असेल.

याशिवाय सिद्धार्थनगरमध्ये पंतप्रधान उत्तर प्रदेशातील नऊ वैद्यकीय महाविद्यालयांचे उद्घाटन करतील. ते वाराणसीसाठी 5200 कोटी रुपयांच्या विविध विकास प्रकल्पांचे उद्घाटनही करतील.

काय आहे पंतप्रधान आत्मनिर्भर आरोग्य योजना?

पीएमएएसबीवायचे उद्दिष्ट शहरी आणि ग्रामीण भागांमधील सार्वजनिक आरोग्य पायाभूत सुविधांमधील असलेली तफावत दूर करणे हे आहे. देशभरात प्रयोगशाळांचे जाळे उभारून लोकांना सार्वजनिक आरोग्य सेवा प्रणालीमध्ये सक्षम आरोग्य निदान सेवा उभारण्याचा सरकारचा प्रयत्न असेल. त्यासाठी सर्व जिल्ह्यांमध्ये एकात्मिक सार्वजनिक आरोग्य प्रयोगशाळा स्थापन करण्यात येतील.

ही योजना 10 विशिष्ट राज्यांमध्ये 17,788 ग्रामीण आरोग्य कल्याण केंद्रांना आधार देईल. सर्व राज्यांमध्ये 11,024 शहरी आरोग्य आणि कल्याण केंद्रे स्थापन केली जातील. 5 लाखांपेक्षा जास्त लोकसंख्या असलेल्या देशातील सर्व जिल्ह्यांमध्ये विशेष क्रिटिकल केअर हॉस्पिटल ब्लॉक्सद्वारे प्रभावी उपचार सेवा उपलब्ध होतील, तर उर्वरित जिल्हे रेफरल सेवांद्वारे कव्हर केले जातील.

PMASBY अंतर्गत, एक आरोग्य राष्ट्रीय संस्था, 4 नवीन राष्ट्रीय वायरोलॉजी संस्था, HWO दक्षिण पूर्व आशिया क्षेत्रासाठी एक प्रादेशिक संशोधन व्यासपीठ, 9 जैव सुरक्षा स्तर III प्रयोगशाळा आणि 5 नवीन प्रादेशिक राष्ट्रीय रोग नियंत्रण केंद्र देशाच्या विविध क्षेत्रांमध्ये स्थापन करण्यात येईल.

17 नवीन सार्वजनिक आरोग्य युनिटसच्या माध्यमातून कारभार

PMASBY ने 17 नवीन सार्वजनिक आरोग्य युनिट्स कार्यान्वित करण्याचे आणि सार्वजनिक आरोग्य आणीबाणी आणि रोगाच्या प्रादुर्भावाचा प्रभावी शोध, प्रतिबंध आणि शोध घेण्यासाठी प्रवेश-बिंदूंवर 33 विद्यमान सार्वजनिक आरोग्य युनिट्स मजबूत करण्याचे उद्दिष्ट ठेवले आहे. ब्लॉक, जिल्हा, प्रादेशिक आणि महानगर भागात राष्ट्रीय स्तरावर प्रयोगशाळांचे जाळे विकसित करून सक्षम रोग निगराणी प्रणाली तयार करणे. सर्व सार्वजनिक आरोग्य प्रयोगशाळांना जोडण्यासाठी एकात्मिक आरोग्य माहिती पोर्टलचा सर्व राज्ये/केंद्रशासित प्रदेशांमध्ये विस्तार करण्याची योजना केंद्र सरकारने आखली आहे.

संबंधित बातम्या:

आधारकार्डाप्रमाणे तयार होणार तुमचे डिजिटल हेल्थ कार्ड, कशाप्रकारे करणार काम, जाणून घ्या सर्वकाही

Ayushman Bharat Digital Mission: देशभरातील सर्व रुग्णालये जोडणार, प्रत्येकाला हेल्थ आयडी देणार, जाणून घ्या मोदींच्या भाषणातील 10 प्रमुख गोष्टी