आयटी रिटर्न फाईल करण्याची मुदत वारंवार का वाढतेय? जाणून घ्या तुम्हाला आयटी रिटर्न कधी फाईल करावा लागेल?

जर तुम्हाला तुमचे कर आणि परताव्याचे काम लवकरात लवकर पूर्ण करायचे असेल तर तुम्ही शक्य तितक्या लवकर आयकर भरावा. कारण शेवटच्या क्षणी आयकर विवरणपत्र भरताना तांत्रिक अडचणींचा धोका असतो.

टीव्ही 9 मराठी डिजीटल टीम | Updated on: Sep 10, 2021 | 4:23 PM

नवी दिल्ली : आयकर विवरणपत्र अर्थात आयटी रिटर्न फाईल करण्याची अंतिम मुदत वारंवार वाढवली जात आहे. आता तुमच्याकडे 31 डिसेंबर 2021 पर्यंत आयटी रिटर्न भरण्याचा अवधी आहे. आतापर्यंत दोनदा मुदत वाढवण्यात आली आहे. यापूर्वी तुम्हाला 2020-21 या आर्थिक वर्षासाठी 31 जुलैपर्यंत आयकर रिटर्न भरायचे होते. यानंतर मुदत वाढवून 30 सप्टेंबर करण्यात आली. पण आता कर परतावा भरण्याची मुदत पुन्हा एकदा वाढवण्यात आली आहे. अशा परिस्थितीत आपल्या प्रश्न पडतो की आयटी रिटर्न फाईल करण्याची अंतिम मुदत पुन्हा पुन्हा का वाढवली जात आहे? (Why is the deadline for filing IT returns so often extended, Know when you have to file an IT return)

टॅक्स पोर्टलचे काय झाले?

आयकराचे एक ऑनलाइन पोर्टल आहे, जे सरकारला अधिक आधुनिक आणि सोपे बनवायचे आहे. यासाठी सरकारने आयटी क्षेत्रातील दिग्गज कंपनी असलेल्या इन्फोसिसला कंत्राट दिले होते. 2019 मध्ये इन्फोसिसला आयकर विभागाची नवीन वेबसाईट तयार करण्याचे 4242 कोटी रुपयांचे कंत्राट देण्यात आले. इन्फोसिसने काम केले आणि https://www.incometax.gov.in/. ही नवीन वेबसाइट तयार केली. 07 जून रोजी हे पोर्टल जोमाने सुरू करण्यात आले होते, परंतु सुरुवातीपासूनच त्यात तांत्रिक त्रुटी येऊ लागल्या. लोकांना त्यांचा आयकर भरता आला नाही. यानंतर अर्थमंत्री निर्मला सीतारामन यांनी या प्रकरणी 23 ऑगस्ट रोजी इन्फोसिसचे मुख्य कार्यकारी अधिकारी सलील परेश यांना बोलावून बैठक घेतली. त्यांनी कंपनीला हे पोर्टल लवकरात लवकर दुरुस्त करण्याचे निर्देश दिले.

पोर्टलमध्ये काय समस्या होत्या?

इंडियन एक्सप्रेसच्या अहवालानुसार, लोकांना कर पोर्टलवर खालील गैरसोयींचा सामना करावा लागला.

– बरेच लोक लॉग इनदेखील करू शकले नाहीत. – आधारद्वारे वैधतेवर ओटीपी प्राप्त झाला नाही. – जे पासवर्ड विसरले, त्यांना पासवर्ड रीसेट करण्यात समस्या आली. – जुना परतावा दिसत नाही – फॉर्म -16 च्या चुकीच्या तपशीलांची तक्रार आणि व्याज मोजणीत त्रुटी – तसेच अनेक लोकांचे आयटीआर ई व्हेरिफाय झाले नाही.

टॅक्स पोर्टलसंबंधित घडामोडी

– 07 जून रोजी इन्कम टॅक्सची नवीन वेबसाईट लॉन्च झाली. – 15 तासांच्या आत अर्थमंत्र्यांनी तांत्रिक समस्यांविषयी ट्विट केले. – यावर @NandanNilekani यांनी उत्तर दिले की, समस्या लवकरच सोडवल्या जातील. – 22 जून रोजी अर्थमंत्र्यांनी इन्फोसिसच्या अधिकार्यांसोबत बैठक घेतली. – इन्फोसिसचे म्हणणे आहे की हे पोर्टल आता ठीक झाले आहे. – आर्थिक वर्ष 2020-21 साठी आतापर्यंत 1.19 कोटी रिटर्न दाखल करण्यात आले आहेत.

तुम्हाला कर कधी भरावा लागेल?

जर तुम्हाला तुमचे कर आणि परताव्याचे काम लवकरात लवकर पूर्ण करायचे असेल तर तुम्ही शक्य तितक्या लवकर आयकर भरावा. कारण शेवटच्या क्षणी आयकर विवरणपत्र भरताना तांत्रिक अडचणींचा धोका असतो. ताज्या माहितीनुसार, आता आयकरची वेबसाइट ठीक काम करत आहे. कर रिटर्न वेळेवर दाखल केल्यामुळे छाननी आणि परताव्याचे काम वेळेवर पूर्ण होते, असे सीए मोहित शर्मा यांनी सांगितले. (Why is the deadline for filing IT returns so often extended, Know when you have to file an IT return)

PHOTO | तुम्हाला एफडीमधून दुप्पट नफा हवा असेल तर इथे गुंतवा पैसे, गेल्या तीन वर्षात 10% पेक्षा जास्त मिळाला परतावाhttps://t.co/H1RvZgbmbE #FD |#GiltFunds |#Investment |#Return |#DoubleProfit

— TV9 Marathi (@TV9Marathi) September 10, 2021