Bhadhara Rain | भंडारा जिल्ह्यात पावसाची बँटिंग, 34 वर्ष जुन्या ऐतिहासिक शिवमंदिरातील पिंड पाण्याखाली अन्…

भंडारा, २३ सप्टेंबर २०२३ | भंडारा जिल्ह्यात काही भागात पावसाने जोरदार बॅटिंग केली आहे. भंडारा जिल्ह्यातील तुमसर शहरात ढगफुटी सारखा पाऊस झाल्याने रस्त्यांना नदीचे स्वरुप आलं आहे. तर शहराच्या मध्यवर्ती भागात मोठ्या प्रमाणावर पाणी साचले असून जनजीवन विस्कळीत झाले आहे. तर तुमसर शहरातील 34 वर्ष जुन्या ऐतिहासिक बावडी शिवमंदिरात पाणीच पाणी झाल्याचे पाहायला मिळत आहे. या शिवमंदिरात पाणी शिरल्याने शिवपिंड पाण्याच्या खाली गेली आहे. भंडारा जिल्ह्यात काल सकाळपासूनच काही भागात मुसळधार पावसाने सुरुवात जोरदार सुरुवात केली आहे. जिल्ह्यातील तुमसर शहरात ढगफुटी सदृश्य निर्माण झाल्याने सकल भागात पाणी साचल्याचे दृश्य आहे. भंडारात तुमसर मार्गावर दोन फूट पाणी वाहत असल्याने याच्या फटका येणारा जाणाऱ्या वाहनधारकांना होत आहे. तर नगरपरिषदेच्या योग्य नियोजन नसल्यामुळे सकल भागात पाणी साचल्यामुळे तुमसर शहरातील नागरिकांना त्रास सहन करावा लागत असल्याने संतापाचे वातावरण नागरिकांमध्ये आहे.