नितीन गडकरी यांनी केलं ‘ते’ एक वक्तव्य अन् सत्तेतील नेत्यांची चांगलीच गोची

मुंबई, २३ ऑक्टोबर २०२३ | राज्यात सध्या भाजप, शिंदेंची शिवसेना आणि अजित पवारांच्या राष्ट्रवादीचं सरकार आहे. मात्र, भाजपचे नेते आणि केंद्रीय मंत्री नितीन गडकरींच्या एका वक्तव्यानं सत्तेतील नेत्यांची चांगलीच गोची झाली आहे. शिवसेनेत उभी फूट पडली आणि एकनाथ शिंदेंनी आपल्या समर्थक आमदारांसह शिवसेनेतच वेगळी चूल मांडली. शिंदेंची शिवसेना भाजपसोबत आली आणि राज्यातील महाविकास आघाडी सरकार कोसळलं. साधारण वर्षभराने राष्ट्रवादीही फुटली आणि अजित पवार सत्तेत विराजमान झाले. पण सध्याच्या राजकीय चित्रापासून केंद्रीय मंत्री नितीन गडकरी अनभिज्ञ आहेत का? असा प्रश्न विचारण्याची वेळ आलीय. ती ही नितीन गडकरी यांच्याच एका वक्तव्यामुळं. अभिनेते प्रशांत दामले यांनी सकाळच्या व्यासपीठावर नितीन गडकरी यांना युतीबाबत एक प्रश्न विचारला. तेव्हा नितीन गडकरी नेमकं काय म्हणाले? तुम्हीच बघा यासंदर्भातील स्पेशल रिपोर्ट