Waghya Dog Controversy : रायगडावरील वाघ्या कुत्र्यावरून वाद कायम, ‘वाघ्या’ कथा की इतिहास? सरकार सोक्षमोक्ष करणार?

गेले अनेक वर्षांपासून सुरू असलेल्या रायगडावरील वाघ्या कुत्र्याचा वाद पुन्हा एकदा सुरू झाला आहे. माजी खासदार संभाजी राजे यांनी रायगडावरील महाराजांच्या समाधी समोरील वाघ्या श्वानाच्या अस्तित्वाचे कोणतेही पुरावे नाही. त्यामुळे ती प्रतिकृती हटवली जावी, यासाठी त्यांनी मुख्यमंत्री फडणवीस यांना पत्र लिहिले. तर या विरोधात अभ्यासक संजय सोनवणी यांनी पुरावा असल्याचं सांगत प्रतिकृती हटवण्यास विरोध केला आहे. माहितीनुसार वाघ्या श्वानाच्या प्रतिकृतीचा हा वाद जवळपास 100 वर्षांपासून सुरू आहे. ज्यावेळी ही प्रतिकृती उभारण्यात आली, तेव्हापासून आजपर्यंत वेगवेगळ्या टप्प्यांवर हा वाद पुन्हा-पुन्हा होत आला आहे. शिवाजी महाराजांसोबत एक वाघ्या नावाचा श्वान असायचा त्याने महाराजांच्या मृत्यूनंतर अग्नी चितेत उडी घेतल्याचं बोललं जातं मात्र ही कथा आहे की इतिहास यावरून वाद आहेत. दरम्यान, वाघ्या कुत्र्याचे जर्मन कागदपत्रात पुरावे आहेत, असं अभ्यासक संजय सोनवणी यांनी म्हटलंय. ‘हा जर्मन पुरावा अत्यंत महत्त्वाचा आहे . तो आपण बेदखल करावा असं त्यात काही नाही आणि आजतागायत गेलेल्या 13 वर्षात हा जो पुरावा मी जेव्हा समोर आणला होता, आतापर्यंत एकाही या कुत्र्याच्या विरुद्ध ज्यांची मत असतील त्यांनी एकाही हा पुरावा चुकीचा आहे हे सिद्ध करून दाखवले नाही, असंही संजय सोनवणी यांनी म्हटलंय.