‘अरे पठ्ठ्या यात तू फुशारकी मारली का? ‘लाडकी बहीण’ योजना काय तुझ्या…’, अजितदादांचा कोणावर निशाणा?

मुख्यमंत्री माझी लाडकी बहीण योजनेवरून राज्याचे उपमुख्यमंत्री अजित पवार यांनी काँग्रेस नेते सुनील केदार यांच्यावर निशाणा साधल्याचे पाहायला मिळाले. ‘आम्ही सत्तेत आल्यावर लाडकी बहीण योजना बंद करू’, असं काँग्रेसचे नेते, माजी मंत्री सुनील केदार हे नागपुरात म्हणाले होते. यावरूनच अजित पवार यांनी त्यांच्यावर निशाणा साधत त्यांना आपल्या शैलीतून प्रत्युत्तर दिलं आहे. अरे पठ्ठ्या यात तू फुशारकी मारली का? योजना काय तुझ्या वडिलांची आहे का? असा आक्रमक सवालही अजित पवार यांनी सुनील केदार यांना केला आहे. तर योजना बंद करायची नसेल तर घड्याळ या चिन्हाचं बटण दाबा… असं यावेळी जाहीर सभेतून बोलताना अजित पवार यांनी नागरिकांना आवाहन केलं आहे. बघा अजित पवार नेमकं काय म्हणाले?