सोसाट्याचा वारा अन् पावसाच्या सरी, मुंबईतील ‘या’ भागात रिमझिम; पाहा व्हीडिओ…

मुंबई : मुंबईत आज सकाळपासूनच काही भागात पाऊस सुरू झाला आहे. पूर्व उपनगरात चेंबूर, मुलूंड , कुर्ला तर पश्चिम उपनगरात बांद्रा , सांताक्रुझ , बोरिवली, दहिसर या परिसरात सकाळपासूनच अवकाळी पाऊस सुरू आहे. वाऱ्याचा वेगही वाढला आहे. ठाणे जिल्ह्यातही बदलापूर, अंबरनाथ भागात पहाटेपासून पाऊस सुरू आहे. अवकाळी पावसामुळे ऑफिसला जाणा-यांची तारांबळ उडाली आहे. गेल्या दोन दिवसांपासून मुंबईत ढगाळ हवामान आहे. मात्र आज सकाळपासून काही भागात पाऊस सुरू आहे. दादर-परळ परिसरात ढगाळ हवामान आहे. मुख्य म्हणजे महाराष्ट्रात सुरु असणाऱ्या अवकाळी पावसाचे पडसाद या शहरावरही दिसून येऊ लागले आहेत. हवामान अभ्यासकांच्या मते मुंबईत झालेला हा पाऊस कोरड्या आणि दमट वाऱ्यांच्या एकत्र येण्यामुळं झाला आहे. पुढील तीन ते चार दिवस मुंबईत वातावरणात कोणतेही बदल नोंदवण्यात येणार नाहीत. मागील काही दिवसांत राज्यात वाढणारं तापमान पाहता त्यामुळं बाष्पीभवनाची प्रक्रिया होऊन राज्यातीस बहुतांश भागांमध्ये पावसाची रिपरिप पाहायला मिळत आहे.