Pahalgam Attack : पहलगामचा दहशतवादी हल्ला कोणाच्या आदेशावरून? पाकिस्तानी पत्रकार आदिल राजाचा खळबळजनक दावा

पाकिस्तानचे ज्येष्ठ पत्रकार आदिल राजा यांनी पहलगाम येथे झालेल्या दहशतवादी हल्ल्याबाबत मोठा खळबळजनक दावा केला आहे. आदिल राजा यांच्या मते, पहलगाममधील हल्ला हा पाकिस्तानी लष्कर प्रमुख मुनीरच्या आदेशावरून म्हणजेच सांगण्यावरून करण्यात आला होता, असा दावा त्यांनी केला. आदिल राजा यांनी आपल्या एका पोस्टमध्ये असे म्हटले की, मुनीर यांना आणखी ५ वर्षांचा कार्यकाळ हवा आहे, त्यामुळे भारताविरुद्ध तणाव निर्माण झाला आहे. दरम्यान, मुनीर यांनी पहलगाम हल्ल्याच्या तीन दिवस आधी भाषण केले होते. या भाषणात मुनीर यांनी भारताविरुद्ध गरळ ओकली होती. यामुळेच पहलगाममधील दहशतवादी घटनेसाठी मुनीरला थेट जबाबदार धरण्यात येत आहे.