Pune Ganpati Visarjan Miravnuk : पुण्यात यंदा तब्बल ‘इतके’ तास विसर्जन मिरवणूक, दोन वर्षांचा रेकॉर्ड कायम

पुण्यात गणपती विसर्जनाला वैभवशाली परंपरा आहे. पुण्यातील गणपती विसर्जन मिरवणूक २४ तासांच्या आत संपविण्याचे पोलीस आयुक्ताचे आणि प्रशासनाने आवाहन यंदाही करण्यात आले होते. मात्र तरीही पुण्यात यंदा एक दिवस उलटून गेल्यानंतरही मिरवणुका सुरूच होत्या. मिरवणुकीचे तास कमी व्हावे म्हणून प्रशासनाकडून आवाहन करण्यात आले होते. तसेच दोन मंडळातील अंतर कमी करून डीजे, लेझर वापर करणाऱ्यांवर कारवाई करण्यातील पोलिसांची निष्क्रियता त्यासोबतच मंडळाकडून मिळणारं असहकार्य या सर्व बाबींमुळे पुण्याच्या गणेशोत्सवात मिरवणुकीला ३० तास १५ मिनिटींचा कालावधी लागला. पुण्यात यंदाही तब्बल ३० तास गणपती बाप्पाची विसर्जन मिरवणूक सुरू होती, अशी माहिती समोर आली आहे. पुण्यात २०२२ मध्ये ३० तास तर २०२३ मध्ये ३१ तास गणपती बाप्पाची विसर्जन मिरवणूक सुरू होती. दरम्यान गणपती विसर्जन मिरवणुकीचा दोन वर्षांचा हा रेकॉर्ड यंदाही कायम असल्याचे यावरून दिसतेय.