Chhagan Bhujbal : मंत्री छगन भुजबळ यांना धमकी देणाऱ्या आरोपीला अटक; औरंगाबादवरुन पोलिसांनी घेतलं आरोपीला ताब्यात

औरंगाबाद : 23 ऑगस्ट 2023 | राज्यात राजकीय नेत्यांना पुन्हा एकदा धमकीसत्र सुरू झाले आहे. अमरावतीच्या खासदार नवनीत राणा यांना जीवे मारण्याची धमकी देण्यात आली होती. तर राष्ट्रवादी काँग्रेस अजित पवार गटाचे नेते मंत्री छगन भुजबळ यांना देखील सत्तेत सहभागी होताच पुन्हा एकदा धमकी आली आहे. याच्याआधी जुलै महिन्यात त्यांना प्रशांत पाटील (मूळ रा. कोल्हापूर) याने धमकी दिली होती. त्यानंतर आता ब्राह्मण समाजाबद्दल केलेल्या वक्तव्यावरून त्यांना जिवे मारण्याचा धमकीचा फोन आला होता. त्याप्रकरणाची पोलीसांनी गंभीर दखल घेतली होती. तर याप्रकरणी नाशिक पोलिसांनी औरंगाबाद येथे कारवाई करत एकदाला एटक केली आहे. भुजबळ यांना धमकी देणाऱ्या इंद्रनील कुलकर्णीला पोलीसांनी ताब्यात घेतलं आहे.