Renault भारतात नवीन SUV लाँच करणार, Hyundai Creta, Kia Seltos आणि MG Astor SUV ला टक्कर
Renault एक नवीन एसयूव्ही लाँच करणार आहे. दिवाळीच्या एक दिवस आधी रेनॉल्ट इंडियाने आपल्या सोशल मीडिया अकाउंटवर पोस्ट करून माहिती शेअर केली आहे.
मुंबई : Renault एक नवीन एसयूव्ही लाँच करणार आहे. दिवाळीच्या एक दिवस आधी रेनॉल्ट इंडियाने आपल्या सोशल मीडिया अकाउंटवर पोस्ट करून माहिती शेअर केली आहे. कंपनीने आपल्या आगामी SUV कारची माहिती शेअर केली आहे, या कारचे नाव Arkana आहे. म्हणजेच कंपनी लवकरच ही SUV कार बाजारात आणू शकते. तथापि, कंपनीने अद्याप कोणत्याही टाइमलाइनचा उल्लेख केलेला नाही. (Renault to launch new SUV in India, rival for Hyundai Creta, Kia Seltos and MG Astor SUV)
फ्रेंच ऑटोमेकर रेनॉल्ट इंडियाने अलीकडेच आपल्या सोशल मीडिया हँडलवर एक मनोरंजक पोस्ट शेअर केली आहे, कंपनीने एक टीझर शेअर करत लिहिले आहे की “आम्ही #movember साठी तयार आहोत. तसेच चेक-अप आणि बुकिंगबाबत कंपनीने संकेत दिले आहेत. या कारचे नाव अर्काना कूप एसयूव्ही असे आहे. मात्र, कंपनीने नाव किंवा इतर माहिती दिलेली नाही.
रेनॉल्ट अर्काना पहिल्यांदा 2019 मध्ये सादर करण्यात आली होती. ही कार CMF-B मॉड्युलर प्लॅटफॉर्मवर आधारित आहे, ज्यावर रेनॉल्ट डस्टर आणि निसान किक्सचे नेक्स्ट जनरेशन मॉडेल तयार केलं जाण्याची अपेक्षा आहे. ही पाच सीटर कार आहे. ही कार आधीच जागतिक बाजारपेठेत लॉन्च केली गेली आहे आणि आता ती भारतात लाँच केली जाऊ शकते. भारतात ही कार Hyundai Creta, Kia Seltos आणि MG Astor SUV सारख्या गाड्यांना जोरदार टक्कर देईल.
अर्कानाची लांबी 4,545 मिमी, रुंदी 1,820 मिमी, उंची 1,565 मिमी आणि व्हीलबेस 2,721 मिमी आहे. तसेच, या कारला 208 मिमीचा ग्राउंड क्लीयरन्स देखील मिळतो, जो डस्टरपेक्षा जास्त आहे. अर्कानाचे केबिन इंटीरियर तुम्हाला डस्टर एसयूव्ही कारची आठवण करून देईल. भारतात येणाऱ्या आगामी SUV कारमध्ये Apple CarPlay आणि Android Auto फीचर्ससह 8 इंचांची टचस्क्रीन इन्फोटेनमेंट सिस्टम तसेच 9.3 इंच डिजिटल इन्स्ट्रुमेंट क्लस्टर असेल. यात 360 डिग्री पार्किंग कॅमेरा, बोस ऑडिओ सिस्टम आणि अॅम्बियंट कलर देखील मिळेल.
या कारच्या इंजिनबद्दल बोलायचे झाले तर Renault ने 1.3-लीटर टर्बोचार्ज्ड पेट्रोल इंजिन असलेली Arkana SUV जागतिक बाजारपेठेत सादर केली आहे. ही कार 150 पीएस पॉवर निर्माण करण्यास सक्षम आहे. ही ऑल-व्हील-ड्राइव्हसह देखील उपलब्ध आहे. तथापि, कंपनीने अद्याप पुष्टी केलेली नाही की, भारतात लॉन्च होणारी ही कार अर्काना असेल, की वेगळी कार ऑफर केली जाईल.
इतर बातम्या
कावासकीने भारतात लॉन्च केली मोटरसायकल, जाणून घ्या किती आहे या बाईकची किंमत
ऑलिम्पियन सुमित अंतिलला महिंद्राचं शानदार गिफ्ट, XUV700 ची पहिली Javelin Gold Edition भेट
PHOTO | ही आहे जगातील पहिली इलेक्ट्रिक टू-सीटर फॉर्म्युला रेस कार, जाणून घ्या काय आहे खास
(Renault to launch new SUV in India, rival for Hyundai Creta, Kia Seltos and MG Astor SUV)
