Union Budget 2023 : महिलांसाठी नवी बचत योजना, या योजनेची वैशिष्ट्ये काय?
स्वातंत्र्याच्या अमृत महोत्सवाच्या स्मरणार्थ महिला सन्मान बचत पत्र योजना मार्च 2025 पर्यंत 2 वर्षांसाठी सुरू केली जाईल, असे अर्थमंत्र्यांनी म्हटले. या योजनेअंतर्गत महिला किंवा मुली आंशिक आर्यन पर्यायाच्या नावावर 2 वर्षांसाठी 2 लाख रुपये जमा करू शकतील.
नवी दिल्ली : केंद्रीय अर्थमंत्री निर्मला सितारमण यांनी संसदेत आज देशाचा अर्थसंकल्प सादर केला. या अर्थसंकल्पात अर्थमंत्र्यांनी सेक्टर्ससाठी विविध घोषणा केल्या आहेत. या अर्थसंकल्पात महिलांनाही विशेष भेट देण्यात आली आहे. अर्थमंत्र्यांनी महिलांसाठी नवीन बचत योजनेची घोषणा केली आहे. या बचत योजनेत 2 वर्षांसाठी महिला बचत योजना जाहीर करण्यात आली आहे. महिला बचत योजनेतील गुंतवणुकीला 2 लाख रुपयांपर्यंत सूट देण्यात आली आहे. अर्थसंकल्पात महिला सन्मान बचत प्रमाणपत्र सादर करण्यात आले आहे.
काय आहेत वैशिष्ट्ये?
हे महिला सन्मान बचत प्रमाणपत्र 2025 पर्यंत दोन वर्षांसाठी वैध असेल. ही वन टाईम नवीन बचत योजना आहे. यामध्ये 7.5 टक्के व्याज दिले जाईल. किसान विकास पत्र योजनेप्रमाणेच ही महिला बचत प्रमाणपत्र योजना असून, या माध्यमातून महिला चांगली बचत करू शकतात.
स्वातंत्र्याच्या अमृत महोत्सवाच्या स्मरणार्थ महिला सन्मान बचत पत्र योजना मार्च 2025 पर्यंत 2 वर्षांसाठी सुरू केली जाईल, असे अर्थमंत्र्यांनी म्हटले. या योजनेअंतर्गत महिला किंवा मुली आंशिक आर्यन पर्यायाच्या नावावर 2 वर्षांसाठी 2 लाख रुपये जमा करू शकतील. याचा लाभ घेण्यासाठी कोणतीही महिला किंवा मुलगी खाते उघडू शकते. पैसे काढण्यासाठी अटी असतील.
गेल्या आर्थिक वर्षात महिला आणि बालकांसाठी तीन बचत योजना
मागील अर्थसंकल्पात महिलांसाठी 1,71,006 कोटी रुपयांची तरतूद करण्यात आली होती. सीतारामन यांनी महिला आणि बाल विकास मंत्रालयाच्या सक्षम अंगणवाडी, मिशन वात्सल्य, मिशन शक्ती आणि पोषण 2.0 यांसारख्या योजनांमध्ये सुधारणा करण्याची घोषणा केली होती.
यासोबतच 2 लाख अंगणवाड्यांचे अपग्रेडेशन करण्यात आले. याशिवाय महिला व बालकांच्या विकासासाठी 3 योजना सुरू करण्यात आल्या.
