Petrol-Diesel Price : मोठी बातमी! कच्चे तेल आपटले, पेट्रोल-डिझेल होणार स्वस्त?

नवी दिल्ली : पेट्रोल-डिझेलच्या (Petrol Diesel Price) आघाडीवर सर्वसामान्यांना लवकरच दिलासा मिळण्याची शक्यता आहे. आंतरराष्ट्रीय बाजारात कच्चा तेलाचा भाव (Crude Oil Price) 80 डॉलर प्रति बॅरलपेक्षा खाली आला. गेल्या काही दिवसांपासून भावात सातत्याने चढ-उतार होत असला तरी पेट्रोलियम कंपन्यांचा तोटा भरुन निघण्यासाठी मदत नक्कीच झाली आहे. डबल्यूटीआई क्रूड 80 डॉलर प्रति बॅरलवरुन 79.68 डॉलर प्रति बॅरलवर पोहचले. भारतात कच्चा तेलाची खरेदी किंमत 80 डॉलर प्रति बॅरलवरुन 79.98 प्रति डॉलरवर पोहचली आहे.  काल ब्रेंड क्रूड ऑईलच्या भावात 0.93 टक्क्यांची घसरण होऊन ते 86.66 डॉलर प्रति बॅरलवर पोहचले होते. तर डब्ल्यूटीआईमध्ये (WTE) 1.64 टक्क्यांची घसरण होऊन ते 79.68 डॉलर प्रति बॅरलवर होते.  या घसरणीचा फायदा लवकरच भारतीय वाहनधारकांना मिळू शकतो.

काही दिवसांपूर्वी पेट्रोलियम मंत्री हरदीप पुरी यांनी दर कमी होण्याचे एका अटीवर संकेत दिले होते. सरकारी तेल विपणन कंपन्यांचे नुकसान जर भरुन निघाले तर पेट्रोल-डिझेलच्या दरात कपात होऊ शकते, असा दावा त्यांनी केला होता. आता ही वेळ आली असल्याचे तज्ज्ञांचे म्हणणे आहे.

सध्या सरकारी तेल कंपन्यांना पेट्रोल विक्रीवर जवळपास 5 रुपये प्रति लिटरचा फायदा होत आहे. तर डिझेलच्या विक्रीवर जवळपास 13 रुपये प्रति लिटरचा तोटा होत आहे. जर क्रूड ऑईलच्या किंमती 80 डॉलर प्रति बॅरलपेक्षा कमी राहिल्या तर कंपन्यांचा तोटा भरुन निघण्यास मदत होईल.

हे सुद्धा वाचा

Modi Government : मोदी सरकारची जबरदस्त स्कीम! 10 लाख मिळवा

Tax Saving Tips : 10 लाखांपेक्षा जास्त कमाई, तरीही एक रुपयाही कर द्यायचा नाही! मग हे वाचाच

WhatsApp Balance :  WhatsApp वरुन मिनिटात पाहा बँक खात्यातील बॅलेन्स, ही आहे सोपी प्रोसेस

LIC Investment : योजनेला तोडच नाही! मुलांचे शिक्षण आणि आर्थिक चिंता होतील छूमंतर

येत्या फेब्रुवारी 2023 मध्ये कच्चा तेलाच्या भावात अजून घसरणीची शक्यता आहे. सौदी अरबने कच्चा तेलाचे भाव कमी करण्याचा निर्णय घेतला आहे. 1 फेब्रुवारी रोजी सौदी सरकारची (Saudi Government) सर्वात मोठी तेल उत्पादक कंपनी सऊदी अरमॅकोने (Saudi Aramco) सर्व प्रकारच्या कच्चा तेलाचे दाम कमी करण्याचा निर्णय जाहीर केले आहे.

सौदी अरब 60 टक्के कच्चे तेल दीर्घकालीन करारावर आशियात निर्यात करते. दर महिन्याला किंमतीचा आढावा घेण्यात येतो. भारत, चीन, जापान आणि दक्षिण कोरिया हे देश सौदीचे मोठे आयातदार देश आहेत.

आज दिल्लीत पेट्रोल 96.72 रुपये आणि डिझेल 89.62 रुपये प्रति लिटर आहे. मुंबईमध्ये पेट्रोल 106.31 रुपये आणि डिझेलचा दर 94.27 रुपये प्रति लिटर आहे. कोलकातामध्ये पेट्रोल 106.03 रुपये तर डिझेलचा भाव 92.76 रुपये प्रति लिटर आहे. चेन्नईमध्ये पेट्रोल 102.63 रुपये आणि डिझेल 94.24 रुपये प्रति लिटरवर पोहचले आहे.

अहमदनगर पेट्रोल 106.85 तर डिझेल 93.33 रुपये प्रति लिटर, अकोल्यात पेट्रोल 106.37 रुपये आणि डिझेल 93.91 रुपये प्रति लिटर, अमरावतीत 107.44 तर डिझेल 93.94 रुपये प्रति लिटर, औरंगाबाद 106.42 पेट्रोल आणि डिझेल 93.93 रुपये प्रति लिटर, नागपूरमध्ये पेट्रोल 106.04 तर डिझेल 92.59 रुपये प्रति लिटर, नांदेडमध्ये पेट्रोल 108.50 तर डिझेल 94.56 रुपये प्रति लिटर आहे.

जळगावमध्ये पेट्रोल 106.42 आणि डिझेल 92.94 रुपये प्रति लिटर, नाशिकमध्ये पेट्रोल 106.72 रुपये आणि डिझेल 93.19 रुपये प्रति लिटर, लातूरमध्ये पेट्रोल 107.25 तर डिझेल 93.74 रुपये प्रति लिटर, कोल्हापूरमध्ये पेट्रोल 106.47 आणि डिझेल 93.01 रुपये प्रति लिटर, पुण्यात पेट्रोलचा भाव 105.85 आणि डिझेल 92.37 रुपये प्रति लिटर, सोलापूरमध्ये पेट्रोलचा दर 106.77 रुपये तर डिझेल 93.29 रुपये प्रति लिटर आहे.