Gold Silver Rate Today 1 August 2024 : चांदीची दमदार बॅटिंग, 10 ग्रॅम सोने झाले महाग, मौल्यवान धातूच्या काय किंमती सराफा बाजारात

सराफा बाजारात ग्राहकांची गर्दी उसळली आहे. केंद्रीय अर्थसंकल्पात सोने आणि चांदीवरील सीमा शुल्कात मोठी कपात केल्याने मौल्यवान धातूत विक्रमी घसरण नोंदवण्यात आली. बजेटनंतर आणि पूर्वी पण दोन्ही धातूत घसरण होती. आता मात्र सोने आणि चांदी पुन्हा दरवाढीच्या अश्वावर आरूढ झाली आहे. चांदीने काल 2,000 रुपयांची उसळी घेतली. तर सोन्यात पण दरवाढ झाली. या आठवड्यात गेल्या तीन दिवसात भावात चढउतार दिसून आला. आता काय आहेत बेशकिंमती धातूचा भाव? (Gold Silver Price Today 1 August 2024 )

सोन्याची तुफान बॅटिंग

सोने गेल्या दहा-बारा दिवसांपासून उतरणीवर होते. भावात घसरण सुरु होती. अर्थसंकल्पानंतर तर मोठी घसरण नोंदवण्यात आली. या आठवड्याच्या सुरुवातीला सोमवारी सोने 270 रुपयांनी वधारले. मंगळवारी त्यात 210 रुपयांची घसरण झाली. तर महिन्याच्या अखेरीस 31 जुलै रोजी सोन्याने 870 रुपयांची भरारी घेतली. गुडरिटर्न्सनुसार, आता 22 कॅरेट सोने 64,150 रुपये प्रति 10 ग्रॅम तर 24 कॅरेट सोन्याचा भाव 69,970 रुपये प्रति 10 ग्रॅम आहे.

हे सुद्धा वाचा

Prakash Ambedkar : मग तुमचा पक्ष गुंडाळून टाका, प्रकाश आंबेडकर यांचा शरद पवार यांना खोचक सल्ला; असं का म्हणाले?

Rail Accident : अपघात सत्रामुळे रेल्वे प्रवाशांच्या मनात धडकी, सुरक्षित इच्छित स्थळी पोहचू का?, याचीच लागली चिंता

FASTag वापराल तर होतील असे फायदे, दुप्पट टोल भरण्याऐवजी वाचाल की नाही

ITR Filling : आतापर्यंत 6 कोटी करदात्यांनी भरला आयकर रिटर्न, आज अखेरची मुदत, संधी हुकवली तर इतका भरावा लागेल दंड 

चांदीने घेतली भरारी

बजेटपूर्वी आणि नंतर चांदीत विक्रमी घसरण झाली. गेल्या आठवड्यात किंमत 7 हजारांनी उतरल्या होत्या. या आठवड्यात सोमवारी चांदीत 500 रुपयांची दरवाढ झाली. मंगळवारी तितकीच घसरण झाली. तर महिन्याच्या अखेरीस 31 जुलै रोजी चांदीने 2 हजारांची आघाडी घेतली. गुडरिटर्न्सनुसार, एक किलो चांदीचा भाव 86,500 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 69,309, 23 कॅरेट 69,031, 22 कॅरेट सोने 63,487 रुपयांवर घसरले. 18 कॅरेट आता 51,982 रुपये, 14 कॅरेट सोने 40,546 रुपये प्रति 10 ग्रॅमवर उतरले आहे. एक किलो चांदीचा भाव 82,974 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते. सुट्टी असल्याने भाव अपडेट झाले नाही.

घरबसल्या जाणून घ्या भाव

सोने-चांदीच्या किंमती तुम्हाला घरबसल्या पण जाणून घेता येईल. सोने-चांदीचे ताजे भाव जाणून घेता येईल. त्यात स्थानिक कर, इतर करांचा भर पडतो. त्यामुळे शहरानुसार किंमतीत तफावत दिसून येते. इंडियन बुलियन्स अँड ज्वेलर्स असोसिएशन (IBJA) हे भाव जाहीर करेल. केंद्र सरकारने जाहीर केलेल्या सुट्या, शनिवारी आणि रविवार हे दिवस सोडून या किंमती जाहीर करण्यात येतात. ग्राहक 8955664433 या क्रमांकावर मिस्ड कॉल देऊन सर्व कॅरेटचे भाव जाणून घेऊ शकतात.