Sign In

By signing in or creating an account, you agree with Associated Broadcasting Company's Terms & Conditions and Privacy Policy.

Gold Silver Rate Today 24 July 2024 : Budget 2024 ने केला चमत्कार; सोने आणि चांदीचा भाव इतक्या हजाराने घसरला, काय आहेत किंमती आता

Gold Silver Rate Today 24 July 2024 : सीमा शुल्क कपातीचा निर्णय बजेटमध्ये घेण्यात आला. त्याचा मोठा फायदा सराफा बाजाराला झाला. ग्राहकांना आता स्वस्तात सोने-चांदी खरेदीची संधी मिळाली आहे. काय आहेत आता किंमती?

Gold Silver Rate Today 24 July 2024 : Budget 2024 ने केला चमत्कार; सोने आणि चांदीचा भाव इतक्या हजाराने घसरला, काय आहेत किंमती आता
Gold And Silver Price Today
Follow us
| Updated on: Jul 24, 2024 | 8:31 AM

गेल्या गुरुवारपासून सोने आणि चांदीच्या आघाडीवर मोठी शांतता आहे. त्यात 23 जुलै रोजी सादर झालेल्या बजेटमध्ये या सराफा बाजाराला मोठा दिलासा मिळाला. केंद्र सरकारने सीमा शुल्कात कपातीचा निर्णय जाहीर केला. जानेवारी 2024 मध्ये कस्टम ड्युटी 15 टक्के करण्यात आली होती. ती आता 6 टक्क्यांवर आणण्यात आली. या घोषणेनंतर देशभरातली सराफा बाजारात मौल्यवान धातूच्या किंमती दणकावून आपटल्या. या दणआपटमुळे सराफा बाजारात सध्या चैतन्य आले आहे. ग्राहकांना हे धातू खरेदी करण्याची सुवर्णसंधी आली आहे. त्यांची चांदी होणार आहे. आता काय आहेत बेशकिंमती धातूची किंमत? (Gold Silver Price Today 24 July 2024 )

सोन्याचा तोरा उतरला

गेल्या आठवड्यापासून सोन्याच्या किंमतीत घसरण सुरु आहे. 18 जुलैपासून दरवाढीला ब्रेक लागला आहे. 22 जुलै रोजी सोने 120 रुपयांनी उतरले. 23 जुलै रोजी त्यात 300 रुपयांची घसरण झाली. आयात शुल्कातील कपातीमुळे किंमतीत जवळपास दोन हजारांची घसरण झाली आहे. तर आजही सकाळच्या सत्रात सोन्याने घसरणीचे संकेत दिले आहेत. गुडरिटर्न्सनुसार, आता 22 कॅरेट सोने 65,100 रुपये प्रति 10 ग्रॅम तर 24 कॅरेट सोन्याचा भाव 71,010 रुपये प्रति 10 ग्रॅम आहे.

हे सुद्धा वाचा

चांदीत मोठी दणआपट

जुलै महिन्याच्या सुरुवातीला चांदीने मोठी मुसंडी मारली होती. गेल्या आठवड्यात चांदीत जवळपास 5,000 रुपयांची स्वस्ताई आली होती. सोमवारी किंमती स्थिर होत्या. तर 23 जुलै रोजी बजेटमध्ये सीमा शुल्कात कपातीचा निर्णय होताच, चांदी 3,500 रुपयांनी घसरली. आज सकाळच्या सत्रात चांदीत घसरणीचे संकेत मिळत आहेत. गुडरिटर्न्सनुसार, एक किलो चांदीचा भाव 88,000 रुपये आहे.

14 ते 24 कॅरेटचा भाव काय

इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 73,218 रुपयावरुन थेट 69,602, 23 कॅरेट 72,925 रुपयांहून 69,323, 22 कॅरेट सोने 67,068 रुपयांहून 63,755 रुपयांवर घसरले. 18 कॅरेट 54,914 नाही तर आता 52,202 रुपये, 14 कॅरेट सोने 42,833 रुपये आता 40,717 रुपये प्रति 10 ग्रॅमवर उतरले आहे. एक किलो चांदीचा भाव 88,196 रुपयांहून आता 84,919 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते. सुट्टी असल्याने भाव अपडेट झाले नाही.

किंमती मिस्ड कॉलवर

22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.

निधी वाटपात भेदभाव? शिंदेंच्या मंत्र्यांना मिळाला सर्वात कमी निधी
निधी वाटपात भेदभाव? शिंदेंच्या मंत्र्यांना मिळाला सर्वात कमी निधी.
लाडक्या बहिणींना 2100 कधी मिळणार? मुख्यमंत्र्यांनी स्पष्टच सांगितलं
लाडक्या बहिणींना 2100 कधी मिळणार? मुख्यमंत्र्यांनी स्पष्टच सांगितलं.
देशमुख हत्या प्रकरणाच्या तपासात आरोपीच्या मित्रांना पोलिसांनी का घेतलं
देशमुख हत्या प्रकरणाच्या तपासात आरोपीच्या मित्रांना पोलिसांनी का घेतलं.
संतोष देशमुख हत्या प्रकरणाचा खटला कोणत्या न्यायालयात चालणार?
संतोष देशमुख हत्या प्रकरणाचा खटला कोणत्या न्यायालयात चालणार?.
खुर्च्यांची अदलाबदल शिंदेंच्या मनातून जाईना...म्हणाले; 'आता फक्त...'
खुर्च्यांची अदलाबदल शिंदेंच्या मनातून जाईना...म्हणाले; 'आता फक्त...'.
विधानभवनाच्या गॅलरीत उद्धव ठाकरेंची फडणवीसांना मिश्किल टोलेबाजी
विधानभवनाच्या गॅलरीत उद्धव ठाकरेंची फडणवीसांना मिश्किल टोलेबाजी.
कराडकडून १५ लाखांची खंडणी? आरोपांवर शिवराज बांगर स्पष्टच म्हणाले...
कराडकडून १५ लाखांची खंडणी? आरोपांवर शिवराज बांगर स्पष्टच म्हणाले....
अजित पवारांची सभागृहात शायरी, म्हणाले; सुभानअल्लाह म्हणायचं नाही..
अजित पवारांची सभागृहात शायरी, म्हणाले; सुभानअल्लाह म्हणायचं नाही...
“सर्वांसाठी घरे”, नवीन गृहनिर्माण धोरण कसं असणार अजित पवार म्हणाले...
“सर्वांसाठी घरे”, नवीन गृहनिर्माण धोरण कसं असणार अजित पवार म्हणाले....
संगमेश्वरमध्ये छत्रपती संभाजी महाराजांचं भव्य स्मारक उभारणार
संगमेश्वरमध्ये छत्रपती संभाजी महाराजांचं भव्य स्मारक उभारणार.