Gold Silver Rate Today 25 July 2024 : आनंदवार्ता, सराफा बाजाराला स्वस्ताईचे भरते; सोने-चांदीच्या इतक्या कमी झाल्या किंमती
Gold Silver Rate Today 25July 2024 : सीमा शुल्कात कपातीचा निर्णय सराफा बाजाराच्या पथ्यावर पडला आहे. हे बजेट सोने-चांदी खरेदी करणाऱ्या ग्राहकांना पावले आहे. 23 जुलै रोजी मौल्यवान धातूत विक्रमी घसरण नोंदवल्या गेली. काय आहेत आता किंमती?
![Gold Silver Rate Today 25 July 2024 : आनंदवार्ता, सराफा बाजाराला स्वस्ताईचे भरते; सोने-चांदीच्या इतक्या कमी झाल्या किंमती Gold Silver Rate Today 25 July 2024 : आनंदवार्ता, सराफा बाजाराला स्वस्ताईचे भरते; सोने-चांदीच्या इतक्या कमी झाल्या किंमती](https://images.tv9marathi.com/wp-content/uploads/2024/07/Gold-Silver-Rate-Today-25-July-2024.jpg?w=1280)
सोने-चांदी ग्राहकांना या बजेटमध्ये मोठा दिलासा मिळाला. 23 जुलै रोजी मौल्यवान धातूत विक्रमी घसरण नोंदवल्या गेली. तर 18 जुलैपासून मौल्यवान धातूंनी दरवाढीला ब्रेक दिला आहे. त्यातच केंद्र सरकारने अर्थसंकल्पात या धातूवरील सीमा शुल्कात मोठी कपात केली. 15 टक्क्यांहून हा कर आता 6 टक्के करण्यात आल्याने सराफा बाजारात चैतन्य आले आहे. ग्राहकांना पूर्वीपेक्षा दोन हजारांनी सोने स्वस्तात खरेदीची संधी आली आहे. तर चांदीत 23 जुलै रोजी 3 हजारांची घसरण झाली. या आठवड्यातही घसरण सुरु आहे. असा आहे दोन्ही धातूचा भाव? (Gold Silver Price Today 25 July 2024 )
सोन्यात झाली इतकी घसरण
गेल्या 18 जुलै, गुरुवारपासून सोन्याचा भाव उतरला आहे. या सात दिवसांत दरवाढ झालेली नाही. 22 जुलै रोजी सोने 120 रुपयांनी स्वस्त झाले. 23 जुलै रोजी 300 रुपयांनी किंमत उतरली. काल भाव स्थिर होता. आज सकाळच्या सत्रात सोन्याने स्वस्ताईचे संकेत दिले आहेत. गुडरिटर्न्सनुसार, आता 22 कॅरेट सोने 65,100 रुपये प्रति 10 ग्रॅम तर 24 कॅरेट सोन्याचा भाव 71,010 रुपये प्रति 10 ग्रॅम आहे.
![Image](https://images.tv9marathi.com/wp-content/uploads/2024/07/Budget-2024-Old-Or-New-Tax.jpg)
![Image](https://images.tv9marathi.com/wp-content/uploads/2024/07/Budget-2024-GST-Liquor.jpg)
![Image](https://images.tv9marathi.com/wp-content/uploads/2024/07/Budget-2024-Budget-Into-Effect.jpg)
![Image](https://images.tv9marathi.com/wp-content/uploads/2024/07/iPhone-Import-Phone-Price-Cut.jpg)
चांदीत मोठी घसरण
जुलै महिन्याच्या पहिल्या दोन आठवड्यात चांदीने मोठी कामगिरी बजावली होती. किंमतीत मोठी वाढ दिसली होती. आता चांदीची चमक उतरली आहे. सोमवारी किंमती स्थिर होत्या. 23 जुलै रोजी चांदी 3,500 रुपयांनी घसरली. 24 जुलै रोजी 500 रुपयांनी भाव उतरले. आज सकाळच्या सत्रात चांदीने पांढरे निशाण फडकावले आहे. गुडरिटर्न्सनुसार, एक किलो चांदीचा भाव 87,500 रुपये आहे.
14 ते 24 कॅरेटचा भाव काय
इंडियन बुलियन्स अँड ज्वेलर्स असोसिएशननुसार (IBJA), 24 कॅरेट सोने 69,151, 23 कॅरेट 68,874, 22 कॅरेट सोने 63,342 रुपयांवर घसरले. 18 कॅरेट आता 51,863 रुपये, 14 कॅरेट सोने 40,453 रुपये प्रति 10 ग्रॅमवर उतरले आहे. एक किलो चांदीचा भाव 84,862 रुपये इतका झाला. वायदे बाजारात आणि आंतरराष्ट्रीय बाजारात सोने आणि चांदीवर कुठलाही कर, शुल्क नसते. तर सराफा बाजारात शुल्क आणि कराचा समावेश होत असल्याने भावात तफावत दिसून येते. सुट्टी असल्याने भाव अपडेट झाले नाही.
किंमती मिस्ड कॉलवर
22 कॅरेट आणि 18 कॅरेट सोने खरेदी करण्यापूर्वी त्याच्या किंमती एका मिस्ड कॉलवर कळतील. तुम्ही 8955664433 या क्रमांकावर मिस्ड कॉल करु शकता. त्यानंतर तुमच्या मोबाईल क्रमांकावर एसएमएस (SMS) येईल. त्याआधारे तुम्हाला किंमती कळतील. तसेच भाव जाणून घेण्यासाठी तुम्ही www.ibja.co वा ibjarates.com या ठिकाणी माहिती घेऊ शकता.