Maruti Suzuki ने रचला इतिहास; मार्केट कॅपने ओलांडला 4 लाख कोटींचा टप्पा

देशातील सर्वात मोठी ऑटोमोबाईल कंपनी मारुती सुझुकीने अजून एक रेकॉर्ड नावे केला आहे. मारुती सुझुकी इंडिया लिमिटेडने (Maruti Suzuki India) 27 मार्च रोजी 4 लाख कोटी भांडवलाचा माईलस्टोन गाठला. असा करिष्मा करणारी ही देशातील 19 वी सूचीबद्ध कंपनी झाली. यावर्षात मारुती सुझुकीचा शेअर 23 टक्क्यांसह उसळला. आता कंपनी रिलायन्स इंडस्ट्रीज, टीसीएस, एचडीएफसी बँक, इन्फोसिस, आयसीआयसीआय बँक, भारती एअरटेल आणि एसबीआय सारख्या दिग्गज कंपन्यांच्या क्लबमध्ये सहभागी झाली आहे.

52 आठवड्यांचा गाठला उच्चांकी स्तर

मारुती सुझुकीने नुकताच एक कमाल रेकॉर्ड नावे केला होता. मारुती सुझुकीची मूळ कंपनी जपानची सुझुकी मोटर कॉर्पपेक्षा तिचे बाजारातील मूल्य दुप्पट झाले होते. बुधवारी व्यापारी सत्रा दरम्यान दुपारी 12.30 वाजता बीएसईवर कंपनीच्या स्टॉकने 52 आठवड्यातील उच्चांकी स्तर 12,724,95 रुपयांचा आकडा गाठला. एका दिवसापूर्वीच हा शेअर तेजीत होता. संध्याकाळी शेअर बंद होईपर्यंत तो 2.40 टक्क्यांच्या उसळीसह 12,550 रुपयांवर पोहचला. कंपनीने 4 लाख कोटी रुपयांचे मार्केट व्हॅल्यू मिळवले.

हे सुद्धा वाचा

एप्रिलपासून बदलणार कर नियम, काय होईल त्याचा फायदा

शेअरची विक्री करताच खात्यातील येईल लगेच पैसा; T+0 Settlement चा होणार मोठा फायदा

सोने -चांदीचा डाबडुबलीचा खेळ; आज झाले महाग, एक दिवसापूर्वी होती स्वस्ताई

AAP चे नेतृत्व कुणाकडे? इमोशनल कार्डचा सुनीता केजरीवाल यांना होणार फायदा?

कंपनी दिग्गज क्लबमध्ये

या कामगिरीमुळे कंपनी रिलायन्स, टीसीएस, एचडीएफसी बँक, इन्फोसिस, आयसीआयसीआय बँक, भारती एअरटेल, एसबीआय, एलआयसी, एचयुएल, आयटीसी, एलअंडटी, बजाज फायनान्स, अदानी एनर्जी, अदानी ग्रीन, एचसीएल टेक, अदानी इंटरप्रायजेस, कोटक महिंद्रा आणि अदानी टोटल गॅसच्या रांगेत जाऊन बसली.

जपानी चलन घसरणीचा फायदा

बुधवारी जपानचे चलन येन त्याच्या 34 वर्षातील निच्चांकी स्तरावर पोहचले. या तिमाहीत डॉलरच्या तुलनेत येन 7 टक्क्यांपर्यंत खाली आले. येन घसरणीचा फायदा मारुती सुझुकीला झाला. या कंपनीला जपानमधून सामान आणि सेवांसाठी आता कमी पैसा खर्च करावा लागत आहे. त्यांची लाखो रुपयांची बचत झाली आहे. देशात मारुती सुझुकीच्या वाहनांचा धडाका सुरु आहे. महसूलासह नफ्यातही वाढ झाली आहे. परिणामी कंपनीचा शेअर पण चांगली कामगिरी बजावत आहे.

अनेक हायब्रिड वाहनं रांगेत

तज्ज्ञानुसार, नवीन ब्रिझा, ग्रँड विटारा आणि फ्रॉन्क्सने कंपनीच्या विक्रीत मोठी भर घातली आहे. छोट्या कार सेगमेंटमध्ये कंपनीने अगोदरच पकड मिळवली आहे. आता कॉम्पॅक्ट एसयुव्ही सेगमेंटमध्ये पण कंपनी चांगली कामगिरी करत आहे. येत्या तीन वर्षांत कंपनी मजबूत हायब्रिड कार आणणार आहे.