Today Petrol, Diesel Rates : पेट्रोलियम कंपन्यांकडून इंधनाचे नवे दर जारी, जाणून घ्या आपल्या शहरातील भाव

पेट्रोलियम कंपन्यांकडून इंधनाचे नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात (Petrol, Diesel Rates) कोणताही बदल करण्यात आलेला नाही. गेल्या दोन महिन्यांपेक्षा अधिक कालावधीपासून राज्यात पेट्रोल (Petrol), डिझेलचे (Diesel) दर स्थिर आहेत. 21 मे रोजी केंद्राने पेट्रोल, डिझेलवरील एक्साईज ड्यूटी कमी करण्याचा निर्णय घेतला होता. त्यानंतर 22 मे रोजी पेट्रोलच्या दरात साडेनऊ रुपयांची तर डिझेलच्या दरात प्रति लिटरमागे सहा रुपयांची कपात झाली तेव्हापासून राज्यात पेट्रोल, डिझेलचे दर स्थिर आहेत.एकीकडे देशात गेल्या दोन महिन्यांपासून पेट्रोल, डिझेलचे दर स्थिर आहेत. मात्र दुसरीकडे सीएनजी, पीएनजी आणि एलपीजीच्या दरात वाढ सुरूच आहे. याचा मोठा फटका हा सर्वसामान्यांना बसताना दिसून येत आहे. महाराष्ट्रात मुख्यमंत्री एकनाथ शिंदे यांनी व्हॅट कपातीची घोषणा केली. व्हॅट कपाती नंतर इंधन स्वस्त झाले. मात्र इतर राज्यांच्या तुलनेत अद्यापही महाराष्ट्रात पेट्रोल, डिझेलचे दर अधिक आहेत.

प्रमुख महानगरातील भाव

पेट्रोलियम कंपन्यांनी जारी केलेल्या नव्या दरानुसार आज राजधानी दिल्लीमध्ये पेट्रोलचा दर प्रति लिटर 96.72 रुपये तर डिझेलचा दर प्रति लिटर 89.62 रुपये इतका आहे. आर्थिक राजधानी मुंबईमध्ये पेट्रोलचा दर प्रति लिटर 106.35 रुपये तर डिझेलचा दर प्रति लिटर 94.28 रुपये एवढा आहे. चेन्नईमध्ये पेट्रोलचा दर प्रति लिटर 102.63 तर डिझेलचा दर प्रति लिटर 94.24 रुपये एवढा आहे. कोलकातामध्ये पेट्रोलचा दर प्रति लिटर 106.03 रुपये असून, डिझेलचा भाव प्रति लिटर 92.76 रुपये एवढा आहे. देशाच्या प्रमुख महानगराची तुलना करायची झाल्यास सर्वात महाग पेट्रोल हे मुंबईमध्ये तर सर्वात स्वस्त पेट्रोल, डिझेल दिल्लीमध्ये आहे.

हे सुद्धा वाचा

National Pension System | एनपीएसमध्ये क्रेडिट कार्ड पेमेंटला बंदी, परंतू या गुंतवणूकदारांना दिलासा, जाणून घ्या हा बदल

Stock market : कोरोनाकाळात सलग 9 तिमाहीत तोटा; निर्बंध हटवताच ‘या’ मनोरंजन क्षेत्रातील कंपनीच्या शेअर्समध्ये विक्रमी तेजी

UAN Number News | UAN क्रमांक विसरलात ? या सोप्या पद्धतीने पुन्हा मिळवा तुमचा युनिव्हर्सल नंबर

राज्याच्या प्रमुख शहरातील पेट्रोल, डिझेलचे भाव

दररोज जारी होतात नवे दर

दरम्यान पेट्रोल, डिझेलचे दर हे कच्च्या तेलाच्या किमतींवर अवलंबून असल्याने पेट्रोलियम कंपन्यांकडून दररोज इंधनाचे नवे दर जारी केले जातात. आतंरराष्ट्रीय बाजारात कच्च्या तेल दाराच्या स्थितीनुसार पेट्रोल, डिझेलचे भाव कमी- जास्त होत असतात. भारतात मात्र गेल्या दोन महिन्यांपेक्षा अधिक कालावधीपासून पेट्रोल, डिझेलचे दर स्थिर आहेत.