Online Game : क्रिकेट असो वा रमी, ऑनलाईन गेमिंग करणार खिसा खाली, आता द्यावा लागेल तगडा टॅक्स!

नवी दिल्ली : ऑनलाईन गेमिंग (Online Gaming) आणि कॅसिनोसाठी (Casino) आता तुम्हाला अधिक रक्कम मोजावी लागू शकते. मोबाईलवर हे गेम खेळण्याचे फॅड अशात जास्त वाढलं आहे. केंद्र सरकार (Central Government) ऑनलाईन गेमिंग आणि कॅसिनोवर जास्त कर लावण्याच्या विचारात आहे. याविषयी गठित मंत्र्यांच्या समितीने (GOM) गुरुवारी त्यांचा अहवाल अर्थमंत्री निर्मला सीतारमण (Nirmala Sitharaman) यांना दिला. या समितीची स्थापना GST परिषदेने केली आहे. सीतारमण यांच्या अध्यक्षतेखालील वस्तू आणि सेवा कर परिषदेच्या उद्या, 17 डिसेंबर रोजी होत असलेल्या बैठकीत याविषयीचा निर्णय होण्याची शक्यता आहे.

मंत्री समूहाचे (GOM) अध्यक्ष आणि मेघालयचे मुख्यमंत्री कोनराड संगमा यांनी ट्विटरवर याविषयीची माहिती दिली. ऑनलाईन गेमिंग, कॅसिनो आणि घोडे सवारीवरील कराबाबत दुसरा अहवाल केंद्रीय अर्थमंत्री निर्मला सीतारमण यांना सोपविल्याचे ट्विट त्यांनी केले.

जीएसटी परिषद कोणताही मसुदा केंद्रीय मंत्रालयाकडे सादर करण्यावेळी परिषदेच्या सदस्यांना माहिती देते. परिषदेच्या बैठकीत आतापर्यंत ऑनलाईन गेमिंगवर कुठलीही चर्चा झाली नव्हती. पण आता याविषयी केंद्र सरकारही गंभीर झाले आहे.

हे सुद्धा वाचा

Gold Bond : सोन्याचा दर 54000 रुपयांच्या घरात, स्वस्तात करा केंद्र सरकारडून सुवर्ण खरेदी, अशी संधी पुन्हा नाही

Gold Silver Rates : सोन्या-चांदीच्या किंमतीत पुन्हा घसरण, नवीन भाव काय?

Rafale Deal : नागपूरमध्ये निर्मित सुट्या भागांवर राफेलची जगभरात भरारी! आत चीनच्या मनात बसली धडकी..

Fake Currency Notes : 500 रुपयांची नकली नोट व्हायरल, तुमच्या खिशात तर नाही ना ही फेक नोट?

जीएसटी परिषदेला मंत्री समूहाने अहवाल सादर केला आहे. त्यामुळे त्याविषयी परिषदेला विचार करावा लागणार आहे. निर्णय जाहीर करावा लागणार आहे. GOM ने नोव्हेंबर महिन्यातील बैठकीत ऑनलाईन गेमिंग, कॅसिनो आणि घोडे सवारी वर 28 टक्के वस्तू आणि सेवा कर, जीएसटी लावण्याचा प्रस्ताव ठेवला होता.

अर्थात अजून ही गोष्ट स्पष्ट करण्यात आली नाही की, जीएसटी हा केवळ ऑनलाईन गेमिंग पोर्टलवर लावण्यात येईल की गेम खेळणाऱ्यांनाही त्याची झळ बसेल. या स्पर्धांमध्ये भाग घेणाऱ्यांच्या एकूण रक्कमेवर जीएसटी आकारण्यात येण्याची शक्यता आहे.

सध्या ऑनलाईन गेमिंगवर 18 टक्के जीएसटी लावण्यात येतो. गेमिंगच्या एकूण उत्पन्नावर हा कर लावण्यात येतो. ऑनलाईन गेमिंग पोर्टलवर सध्या हा कर लावण्यात येतो.आता नवीन प्रस्तावात पोर्टलवर कराचा भार पडणार की स्वतंत्रपणे सदस्यांवरही कर लावण्यात येणार हे लवकरच स्पष्ट होईल.

जागतिक बाजारात ऑनलाईन गेमिंगची कोट्यवधींची उलाढाल होते. 2019 मध्ये ही उलाढाल 37.65 दशलक्ष डॉलर होती. तर 2025 मध्ये 122.05 दशलक्ष अमेरिकन डॉलरपर्यंत ही उलाढाल होण्याची शक्यता आहे.