Today Petrol, Diesel Rate : पेट्रोलियम कंपन्यांकडून इंधनाचे नवे दर जारी; जाणून घ्या आपल्या शहरातील भाव

मुंबई : पेट्रोलियम कंपन्यांकडून इंधनाचे (Fuel) नवे दर जारी करण्यात आले आहेत. नव्या दरानुसार आज देखील पेट्रोल, डिझेलच्या दरात कोणताही बदल करण्यात आलेला नाही. गेल्या दोन महिन्यांपासून पेट्रोल (Petrol), डिझेलचे दर (Diesel Rate) स्थिर आहेत. 22 मे रोजी केंद्र सरकारने पेट्रोल, डिझेलवरील एक्साईज ड्यूटी कमी करण्याचा निर्णय घेतला होता. त्यामुळे पेट्रोल प्रति लिटर मागे साडेनऊ रुपयांनी तर डिझेल सात रुपयांनी स्वस्त झाले. मात्र त्यानंतर पेट्रोल, डिझेलच्या दरात कोणताही बदल झालेला नाही.एकीकडे कच्च्या तेलाच्या दरात सातत्याने चढ-उतार सुरू असताना दुसरीकडे पेट्रोल, डिझेलचे दर स्थिर ठेवण्यात आल्याने त्याचा मोठा फटका हा पेट्रोलियम कंपन्यांना बसत आहे. केंद्र सरकारने पेट्रोल, डिझेलवर आकारण्यात येणाऱ्या विंडफॉल करात कपात करून, पेट्रोलियम कंपन्यांना काही अंशी दिलासा देण्याचे काम केले आहे.

प्रमुख महानगरातील इंधनाचे दर

पेट्रोलियम कंपन्यांकडून आज जारी करण्यात आलेल्या नव्या दरानुसार राजधानी दिल्लीमध्ये पेट्रोलचा दर प्रति लिटर 96.72 तर डिझेलचा भाव प्रति लिटर 89.62 इतका आहे. मुंबईमध्ये पेट्रोलचा दर प्रति लिटर 106.35 रुपये तर डिझेलचा दर प्रति लिटर 94.28 रुपये इतका आहे. कोलकातामध्ये पेट्रोलचा दर प्रति लिटर 106.03 रुपये तर डिझेलचा दर प्रति लिटर 92.76 रुपये इतका आहे. चेन्नईमध्ये पेट्रोलचा दर प्रति लिटर 102.63 रुपये तर डिझेलचा दर प्रति लिटर 94.24 रुपये इतका आहे. महानगरातील पेट्रोल, डिझेलच्या भावाची तुलना केल्यास सर्वत स्वस्त पेट्रोल, डिझेल हे दिल्लीमध्ये आहे. तर व्हॅटमध्ये कपात करून देखील सर्वात महाग पेट्रोल, डिझेल मुंबईमध्ये आहे.

राज्याच्या प्रमुख शहारीतल दर

विंडफॉल करात कपात

पेट्रोल, डिझेलवर आकारण्यात येणाऱ्या विंडफॉल करात कपात करून केंद्र सरकारने पेट्रोलियम कंपन्यांना मोठा दिलासा दिला आहे. पेट्रोल आणि विमान इंधनावर प्रति लिटर सहा रुपये इतका विंडफॉल कर आकारण्यात येत होता. तर डिझेलवर तेरा रुपये इतका विंडफॉल कर आकारण्यात येत होता. पेट्रोलवरील विंडफॉल कर पूर्णपणे मागे घेण्यात आला आहे, तर डिझेलवरील विंडफॉल कर दोन रुपयांनी कमी करण्यात आला आहे.