Weekly Gold Price : सोने महागले तर चांदीत जवळपास हजाराची घसरण, या आठवड्यात कसा राहीला सराफा बाजार

नवी दिल्ली : भारतीय सराफा बाजारात (Sarafa Market) या आठवड्यात सोन्याच्या किंमतीत वृद्धी दिसून आली, तर चांदीची चमक फिक्की पडली. चांदी स्वस्त झाल्याने गुंतवणूकदारांची चांदी झाली. या व्यापार सप्ताहात सोन्याची किंमत 90 रुपये प्रति 10 ग्रॅमने वाढली तर चांदीच्या दरात, प्रत्येक किलोमागे 957 रुपयांची घसरण झाली. इंडिया बुलियन अँड ज्वेलर्स असोसिएशन म्हणजे आयबीजीए (IBJA) च्या संकेतस्थळानुसार, या आठवड्याच्या (12 ते 16 डिसेंबर) सुरुवातीला 24 कॅरेट सोन्याचा (Gold) भाव 53,908 रुपये होता. शुक्रवारी हा दर 53,998 रुपये प्रति 10 ग्रॅम झाला होता. तर 999 शुद्ध चांदीची (Silver) किंमत किलोमागे 67,022 रुपयांहून 66,065 रुपयांवर घसरली.

IBJA दररोज सकाळी, संध्याकाळी सोन्या-चांदीचा दर घोषीत करते. राष्ट्रीय सुट्टी आणि शनिवार-रविवार वगळता हे भाव जाहीर करण्यात येतात. या भावात नंतर कर आणि घडणावळीचा दर जोडल्या जातो. ग्राहकाला सोने खरेदीनंतर जीएसटीही द्यावा लागतो. ही किंमतही बाजार भावात जोडलेली नसते.

सोन्यात गुंतवणुकीसाठी केंद्र सरकारने खास ऑफर आणली आहे. नागरिकांना केंद्र सरकारच्या सुवर्ण रोखे योजनेत गुंतवणूक करता येणार आहे. रिझर्व्ह बँक ऑफ इंडियाने (RBI) सार्वभौम सुवर्ण रोखे योजना (Sovereign gold bond scheme 2022-23)आणली आहे. गोल्ड बाँडच्या विक्रीचा हा तिसरा टप्पा आहे.

हे सुद्धा वाचा

Stock Market : शेअर बाजार सर्व रेकॉर्ड तोडणार, एका वर्षात निफ्टी करणार 21,200 अंकाची चढाई..

EPS Certificate : Job बदलताय? मग हे काम करायला बिलकूल विसरु नका, जरुर मिळवा हे प्रमाणपत्र

Wedding : लग्नघरी मृत्यृचे दररोज टपाल, नवरदेवाच्या घरी दुःखाचे सावट, 5 दिवसांत 31 नातेवाईकांचा मृत्यू

Digital Rupees : लाखमोलाचा प्रश्न भावा, डिजिटल रुपयातून FD करता येईल का? माहिती एका क्लिकवर

सार्वभौम सुवर्ण रोखे योजनेच्या माध्यमातून तुम्हाला स्वस्तात सोने खरेदी करता येते. एक ग्रॅमपासून ग्राहकाला सोने खरेदी करता येते. या बाँडमध्ये रोखीत, डिमांड ड्राफ्ट, नेट बँकिंगच्या मार्फत खरेदी करता येईल. ऑनलाईन खरेदीवर ग्राहकांना सवलतही मिळते.

आरबीआय दोन टप्प्यात सरकारी गोल्ड बाँड स्कीम जारी करणार आहे. या योजनेत डिसेंबर आणि मार्चमध्ये उघडण्यात येईल. अर्थ मंत्रालयानुसार, सरकारी गोल्ड बाँडमध्ये 2022-23, तिसऱ्या टप्प्यात 19 ते 23 डिसेंबर दरम्यान गुंतवणूक करता येईल.

गेल्या आठवड्यात सोन्याच्या किंमतीतील बदल

• 12 डिसेंबर, 2022- 53,908 रुपये प्रति 10 ग्रॅम 13 डिसेंबर, 2022- 54,030 रुपये प्रति 10 ग्रॅम 14 डिसेंबर, 2022- 54,386 रुपये प्रति 10 ग्रॅम 15 डिसेंबर, 2022- 53,894 रुपये प्रति 10 ग्रॅम 16 डिसेंबर, 2022- 53,998 रुपये प्रति 10 ग्रॅम

गेल्या आठवड्यात चांदीच्या किंमतीतील बदल

• 12 डिसेंबर, 2022- 67,022 रुपये प्रति किलोग्रॅम 13 डिसेंबर, 2022- 67,161 रुपये प्रति किलोग्रॅम 14 डिसेंबर, 2022- 67,642 रुपये प्रति किलोग्रॅम 15 डिसेंबर, 2022- 66,568 रुपये प्रति किलोग्रॅम 16 डिसेंबर, 2022- 66,065 रुपये प्रति किलोग्रॅम