UPSC Civil Service Prelims Results 2021: नागरी सेवा पूर्व परीक्षेचा निकाल जाहीर, 10 लाख विद्यार्थ्यांनी दिलेली परीक्षा

नवी दिल्ली: केंद्रीय लोकसेवा आयोगानं नागरी सेवा पूर्व परीक्षेचा निकाल जाहीर केला आहे. पूर्व परीक्षेचा निकाल यूपीएससीच्या वेबसाईटवर उपलब्ध करुन देण्यात आला आहे. यूपीएससीच्या upsc.gov.in या वेबसाईटवर निकाल जाहीर करण्यात आला आहे. विद्यार्थ्यांना निकाल पीडीएफमध्ये उपलब्ध होईल. यूपीएससीतर्फे पूर्व परीक्षा 10 ऑक्टोबर रोजी आयोजित करण्यात आली होती.

यूपीएससीकडून जारी करण्यात आलेल्या नोटिफिकेशननुसार मुख्य परिक्षेसाठी नव्यानं अर्ज दाखल करावे लागणार आहेत. मुख्य परीक्षेचा अर्ज दाखल करण्यासाठी तारखा आणि परीक्षा शुल्कांसंबधी माहिती यूपीएससीकडून पुन्हा जाहीर केली जाणार आहे.

निकाल कसा पाहायचा?

नागरी सेवा पूर्व परीक्षा 2021 चा निकाल खालील सुचनांचं पालन करुन पाहू शकता.

स्टेप 1 : यूपीएससीच्या upsc.gov.in या वेबसाईटला भेट द्या. स्टेप 2: यानंतर What’s New या सेक्शनमध्ये निकाल उपलब्ध होईल. स्टेप 3 : या लिंकवर निकालाची पीडीएफ उपलब्ध होईल. स्टेप 4 : पीडीएफ फाईलमध्ये रोल नंबर नोंदवून निकाल पाहू शकता.

केंद्रीय लोकसेवा आयोगाकडून नागरी सेवा पूर्व परीक्षा, भारतीय परकीय सेवा, भारतीय वनसेवा आणि भारतीय पोलीस सेवा यासाठी तीन टप्प्यात परीक्षांचं आयोजन केलं जातं. पूर्व परीक्षा, मुख्य परीक्षा आणि तिसऱ्या टप्प्यात मुलाखत घेतली जाते.

पूर्व परीक्षेसाठी 10 लाख उमेदवारांनी नोंदणी केली होती. यंदाची यूपीएससीची नागरी सेवा परीक्षा 712 पदांसाठी घेतली जात आहे.

इतर बातम्या

कुडाळ मालवणमधून 2024 ला विजयी होणारचं, निलेश राणेंनी रणशिंग फुंकलं

फक्त एक कॉल करा आणि आधार कार्डाच्या समस्या चुटकीसरशी सोडवा

Upsc civil service prelims results 2021 declared check now