भावोजी बहिणीला नेहमी त्रास द्यायचा, भावाला बहिणीचे दुःख पहावले नाही, मग त्याने जे केले त्याने सर्वच हैराण झाले !
बहिणीचा पती तिला दररोज त्रा, द्यायचा. भावाला बहिणीचा त्रास पाहवत नव्हता. अखेर एक दिवस सहनशक्तीचा अंत झाला. मग जे घडलं त्याने गावात खळबळ उडाली.
बैतूल : बहिणीला पती खूप त्रास द्यायचा. दररोज मारहाण करायचा. बहिणीचा त्रास पाहवत नसल्याने संतापलेल्या भावाने भावोजीचा काटा काढल्याची घटना मध्य प्रदेशातील बैतूलमध्ये घडली. काका, चुलत भाऊ आणि दोन मित्रांच्या मदतीने भावाने काठीने मारहाण करत भावोजीला संपवले. हत्येनंतर मृतदेह शेतात टाकून आरोपी पळाले. याप्रकरणी पोलिसांनी तीन आरोपींना अटक केली आहे. अन्य दोन आरोपी फरार आहेत. अरविंद डिगरसे असे मयताचे नाव आहे. युवराज कोडले असे मुख्य आरोपीचे नाव आहे. या घटनेमुळे गावात खळबळ उडाली आहे.
बहिणीचा दररोज छळ करायचा भावोजी
युवराजची बहिण इंद्राचा अरविंदसोबत दुसरा विवाह झाला होता. अरविंद विवाहानंतर इंद्राचा खूप छळ करायचा. तिला दररोज मारहाण करायचा. अरविंद 6 जुलै रोजी आपल्या सासरवाडीत आला होता. तेथे भांडण करु लागला. यानंतर तो शेताकडे गेला. यावेळी युवराज, त्याचा काका शिवचरण, भाऊ राहुलही त्याच्या पाठोपाठ लाठ्या-काठ्या घेऊन पळाले. तेथे त्याची लाठ्या-काठ्यांनी मारहाण करुन हत्या केली. यानंतर युवराजचे मित्र भोजू कोडले आणि निक्की कोडले यांच्या मदतीने मृतदेह सुभाष कोडलेच्या शेतात टाकला.
घरासमोर गाडी पाहून पोलिसांना संशय आला
पोलिसांना सुभाष कोडलेच्या शेतात मृतदेह पडल्याची माहिती मिळाली. पोलिसांनी घटनास्थळी धाव घेत मृतदेह ताब्यात घेत शवविच्छेदनासाठी रुग्णालयात पाठवला. मग अज्ञात आरोपीविरोधात गुन्हा दाखल करत तपास सुरु केला. यादरम्यान अरविंदची गाडी सासरवाडीतील घरासमोर दिसली. घरी कुणीही नव्हते. पोलिसांना संशय आल्याने त्यांनी युवराज आणि शिवचरण यांना ताब्यात घेत त्यांची चौकशी केली. चौकशीत आरोपींनी गुन्ह्याची कबुली दिली.
