काही महिन्यांपूर्वीच लग्न, डोळ्यात सुखी संसाराची स्वप्ने; मात्र ‘असा’ झाला डॉक्टर दाम्पत्याच्या संसाराचा शेवट

हैदराबाद : बाथरुमधील गिझरचा शॉक लागल्याने (Due to geyser shock) डॉक्टर असलेल्या नवदाम्पत्याचा करुण मृत्यू (Doctor Couple Death) झाल्याची घटना हैदराबादमध्ये घडली आहे. डॉ. सैयद निसारुद्दीन आणि सायमा निसारुद्दीन अशी मयत डॉक्टर दाम्पत्याची नावे आहेत. डॉ. सैयद निसारुद्दीन हे सूर्यापेटमध्ये सरकारी मेडिकल कॉलेजमध्ये (Government Medical College) कार्यरत होते. तर सायमा मेडिकल कॉलेजमध्ये शेवटच्या वर्षात शिकत होती. नवदाम्पत्याच्या अशा अचानक जाण्याने कुटुंबावर दुःखाचा डोंगर कोसळला आहे.

कशी घडली घटना?

पोलिसांच्या माहितीनुसार, आधी सायमाला शॉक लागला. त्यानंतर तिला वाचवण्यासाठी गेलेल्या डॉक्टरलाही शॉक लागला आणि दोघा पती-पत्नीचा जागीच मृत्यू झाला. ही घटना गुरुवारी रात्री 11.30 वाजता उघडकीस आली.

माहिती मिळताच पोलिसांनी घटनास्थळी दाखल दोन्ही मृतदेह ताब्यात घेतले. दोन्हीही मृतदेह शवविच्छेदनासाठी उस्मानिया जनरल हॉस्पिटलमध्ये पाठवण्यात आले आहेत.

हे सुद्धा वाचा

लग्नाच्या संकेतस्थळावरून साधला संपर्क, आधी शारीरिक संबंध नंतर फसवणूक, नेमकं काय घडलं?

पतपेढीतून कर्ज मिळून देतो सांगून महिलेची फसवणूक, ‘एवढ्या’ लाखाला गंडा

मित्राच्या वाढदिवसानिमित्त फिरायला आले अन् धबधब्यात बुडाले, चार मित्रांचा करुण अंत

असा झाला मृत्यूचा खुलासा

सायमाच्या वडिलांनी गुरुवारी सकाळी तिला फोन केला होता. मात्र ती कामात व्यस्त असल्याने रात्री घरी आल्यानंतर फोन करेन सांगत तिने फोन ठेवला. मात्र तिने संध्याकाळी कॉल केलाच नाही. आधी वडिलांना वाटले दोघे कामात व्यस्त असतील.

मात्र रात्री उशिरापर्यंत मुलीने कॉल उचलला नाही. यामुळे सायमाच्या कुटुंबीयांनी तिच्या घरी जाण्याचा निर्णय घेतला. जेव्हा सायमाच्या घरचे तिच्या घरी आले तेव्हा त्यांना काहीतरी घडल्याची शंका आली. त्यांनी खिडकीतून आत प्रवेश केला. आत जाऊन पाहिले असता बाथरुममध्ये दोघांचे मृतदेह पडले होते.