Pune Accident : पुण्यात भीषण अपघात, डंपरची दुचाकीला धडक, डाईव्हर फरार

पुणे – भरधाव निघालेल्या डंपरने एका दुजाकीचा (dumper truck and bike accident) जोराची धडक दिली. त्यावेळी बाईक चालकाने गोलांट्या उड्या घेतल्या, हा अपघात पाहणाऱ्या लोकांना तिथं घाम फुटला असल्याची माहिती मिळाली आहे. पुण्यातील नवले पुलावर भूमकर चौक (pune navale bridge bhumkar chouk) येथे अपघात झाला. त्यामध्ये एका तरुणाचा जागीच मृत्यू झाला. निखिल गोविद राठोड असे मृत्यू झालेल्या तरुणाचे नाव आहे. डंपरचा चालक फरार झाला असून पोलिस (pune police) त्याचा शोध घेत आहेत.

पोलिसांनी दिलेल्या माहितीनुसार, भूमकर ब्रिज कडून हायवेकडे जाणाऱ्या सर्विस रोडवर,ग्रॅडूर सोसायटी समोर अशोक लेलँड कंपनीचा डंपर (एम एस 46 बीएम 0151) जात होता. भरधाव वेगाने निघालेल्या डंपर चालकाचे नियंत्रण सुटल्यामुळे हा अपघात झाला असा प्राथमिक अंदाज पोलिसांनी सांगितला आहे.

मृत्यू झालेल्या निखिल गोविद राठोड याचा मृतदेह जवळच्या शासकीय रुग्णालयात शवविच्छेदनासाठी दाखल केला आहे. त्याचबरोबर तरुणाच्या नातेवाईकांशी पोलिस संपर्क साधत आहेत. विशेष म्हणजे अपघात झाल्यावर परिसरात मोठ्या प्रमाणात वाहतूक कोंडी झाली होती. सिंहगड पोलिसांनी याप्रकरणी गुन्हा दाखल केला असून पोलीस फरार ड्रायव्हरचा शोध घेत आहेत.