माहेरी आलेल्या बहिणीसोबत लहान बहिणीचा वाद झाला, मग जे घडले त्याची कुणीच कल्पना केली नसेल !
तरुणी माहेरी रहायला आली होती. यावेळी तरुणीचा लहान बहिणीसोबत वाद झाला. मग या वादाने भयंकर रुप पहायला मिळाले. या घटनेमुळे परिसरात एकच खळबळ उडाली.
अकोला : माहेरी आलेल्या बहिणीची लहान बहिणीनेच क्षुल्लक कारणातून निर्घृण हत्या केल्याची घटना अकोल्यात घडली आहे. या घटनेमुळे जिल्ह्यात एकच खळबळ उडाली आहे. याप्रकरणी बोरगाव मंजू पोलिसात आरोपी बहिणीविरोधात कलम 302 अन्वये हत्येचा गुन्हा दाखल केला आहे. पोलीस या घटनेचा सखोल तपास करत आहेत. बहिणींमध्ये नेमका कोणत्या कारणातून वाद झाला, याबाबत पोलीस अधिक तपास करत आहेत. सध्या पोलिसांनी आरोपीला ताब्यात घेतले आहे.
वादातून बहिणीवर जीवघेणा हल्ला
जिल्ह्यातील बोरगाव मंजू पोलीस ठाण्याच्या हद्दीतील खडका गावात ही हृदयद्रावक घटना घडली आहे. मयत तरुणी आपल्या माहेरी आली होती. यावेळी तिचा लहान बहिणीसोबत काही कारणातून वाद झाला. यानंतर बहिणीने भाजी चिरायचा चाकू घेऊन बहिणीवर वार केले. या हल्ल्यात तरुणी गंभीर जखमी झाली. घरच्यांनी शेजाऱ्यांच्या मदतीने तिला तात्काळ रुग्णालयात नेले, मात्र उपचारादरम्यान तिचा मृत्यू झाला. मात्र डॉक्टरांनी तिला मृत घोषित केले.
आरोपी मानसिक रुग्ण
घटनेची माहिती मिळताच बोरगाव मंजू पोलीस घटनास्थळी दाखल झाले. पोलिसांनी घटनास्थळाचा पंचनामा करत मृतदेह शवविच्छेदनासाठी रुग्णालयात नेला. आरोपी बहिणीविरोधात हत्येचा गुन्हा दाखल करण्यात आला आहे. पोलिसांनी आरोपीला ताब्यात घेतले आहे. आरोपी मानसिक रुग्ण असून, तिचा इलाज सुरु असल्याची माहिती मिळते. पोलीस याबाबत अधिक तपास करत आहेत. तपासाअंतीच सर्व सत्य उघड होईल.
