आईला प्रियकरासोबत नको ते करताना पाहिले, मग मुलाने जे केले ते भयंकर !

साहिबगंज : झारखंडमध्ये अनैतिक संबंधातून एक धक्कादायक घटना उघडकीस आली आहे. आईला घरामध्ये प्रियकरासोबत नको ते करताना पाहिले अन् मुलाचा संताप झाला. यानंतर मुलाने जे केले ते भयंकर होते. या घटनेमुळे गावात एकच खळबळ माजली आहे. मुलाने आईच्या प्रियकराचा कायमचा काटा काढला. यानंतर पोलिसांनी आरोपी मुलाला अटक केली असून, मुलाने पोलीस चौकशीत गुन्ह्याची कबुली दिली. मदन सोरेन असे हत्या करण्यात आलेल्या व्यक्तीचे नाव आहे.

अनैतिक संबंधाला घरच्यांचा विरोध होता

तालझारी पोलीस ठाण्याच्या हद्दीतील बडा जमनी वर टोला येथे ही घटना घडली आहे. मदन सोरेन हा गावप्रमुख लखन सोरेन यांचा मेहुणा आहे. तो कामानिमित्त काही दिवस गावात राहत होता. यावेळी त्याची गावातील रायला मरांडी याच्या पत्नीशी ओळख झाली. मग दोघांमध्ये प्रेमसंबंध सुरु झाले. हळूहळू या प्रेमसंबंधाची सर्वत्र माहिती झाली. महिलेच्या घरच्यांनी या प्रेमसंबंधाला विरोध केला.

रागाच्या भरात मुलाने आईच्या प्रियकराला संपवले

मात्र दोघांनाही याचा काहीही फरक पडत नव्हता. दोघांचे भेटणे सुरुच होते. मंगळवारीही मदन सोरेन महिलेला भेटायला तिच्या घरी आला होता. यादरम्यान महिलेचा मुलगा राजन मरांडी हा बाहेरुन घरी आला. घरी आल्यानंतर त्याने आपल्या आईला प्रियकरासोबत नको ते करताना पाहिले. यानंतर त्याचा संताप झाला आणि त्याने मदनची हत्या केली.

गावकऱ्यांनी घटनेची माहिती पोलिसांना दिली. घटनेची माहिती मिळताच पोलिसांनी तात्काळ घटनास्थळी धाव घेत मृतदेह ताब्यात घेतला. पोलिसांनी आरोपी राजन मरांडी याला अटक केली आहे. पोलीस चौकशीत त्याने आपल्या गुन्ह्याची कबुली दिली.