पत्नीला प्रियकरासोबत पाहिल्यावर पतीला संताप अनावर, मग जे केले ते ऐकून अंगावर काटा येईल !

गाझियाबाद : पत्नीच्या अनैतिक संबंधाला कंटाळून पतीने तिची हत्या केल्याची धक्कादायक घटना उत्तर प्रदेशातील गाझियाबाद येथे घडली आहे. पतीने डोक्यात हातोड्याने वार केला. घटनेची माहिती मिळताच पोलिसांनी घटनास्थळी धाव घेत जखमी महिलेला रुग्णालयात दाखल केले. मात्र उपचारादरम्यान तिचा मृत्यू झाला. महिलेच्या भावाच्या तक्रारीवरुन पोलिसांनी हत्येचा गुन्हा नोंद करत आरोपीला अटक केली आहे. किशन असे अटक करण्यात आलेल्या आरोपीचे नाव आहे. पोलीस याप्रकरणी पुढील कारवाई करत आहेत.

गाझियाबादमधील विजयनगर सेक्टर 9 मध्ये आरोपी किशन आपली पत्नी सीमा आणि तीन मुलांसह राहत होता. किशन टाईल्स लावण्याचे काम करतो, तर त्याची पत्नी नोएडातील एका कंपनीत काम करत होती.

पत्नीचे पतीच्याच सहकाऱ्याशी होते प्रेमसंबंध

सीमाचे किशनसोबत काम करणाऱ्या सहकाऱ्यासोबत प्रेमसंबंध होते. याला किशनचा विरोध होता. किशनने विरोध केल्यास सीमा त्याला सोडून प्रियकरासोबत रहायला जाण्याची धमकी द्यायची.

वाद विकोपाला गेल्याने पतीने हातोड्याने पत्नीवर वार केला

नेहमीप्रमाणे काल रात्री प्रेमसंबंधांवरुन पती-पत्नीमध्ये वाद झाला. यानंतर सीमा मुलांसह आपल्या प्रियकराकडे निघून जाण्याची धमकी देऊ लागले. यामुळे किशन संताप अनावर झाला आणि त्याने घरातील हातोडा घेऊन सीमाच्या डोक्यात वार केला.

जखमी पत्नीचा उपचारादरम्यान रुग्णालयात मृत्यू

घटनेची माहिती मिळताच स्थानिक पोलिसांनी घटनास्थळी धाव घेत जखमी सीमाला रुग्णालयात दाखल केले. मात्र उपचारादरम्यान तिचा मृत्यू झाला. याप्रकरणी पत्नीच्या आरोपाखाली किशनला पोलिसांनी अटक केली आहे.