Video : प्रवाशांची नजर चुकवायच्या, मौल्यवान वस्तू लंपास करायच्या, 7 महिलांची टोळी पोलिसांकडून जेरबंद
चंद्रपूर जिल्ह्यात बल्लारपूर पोलिसांनी बस प्रवास करणाऱ्या महिलांच्या दागिने आणि पर्स लंपास करणाऱ्या एका टोळीला गजाआड केले आहे. या महिला मूळच्या नागपूर येथील रहिवासी असून जिल्हाभरात यासाठीच बसने प्रवास करत असतात आणि संधीचा फायदा घेत प्रवाशांच्या मौल्यवान वस्तू लंपास करतात.
चंद्रपूर : चंद्रपूर जिल्ह्यात बल्लारपूर पोलिसांनी बस प्रवास करणाऱ्या महिलांच्या दागिने आणि पर्स लंपास करणाऱ्या एका टोळीला गजाआड केले आहे. या महिला मूळच्या नागपूर येथील रहिवासी असून जिल्हाभरात यासाठीच बसने प्रवास करत असतात आणि संधीचा फायदा घेत प्रवाशांच्या मौल्यवान वस्तू लंपास करतात. अशाच प्रकारच्या घटनेचा बल्लारपूर पोलिसांनी उलगडा केला आहे.
लातूर येथील दयानंद उपासे आपल्या पत्नीसह बसप्रवास करत होते. चंद्रपूरच्या बंगाली येथून तेलंगणाकडे जाणाऱ्या बसमध्ये ते चढले. त्यांच्या पत्नीच्या बाजूला एक महिला बाळासह बसली. उपासे यांची पत्नी फोनवर व्यस्त असतानाची संधी साधून ही आरोपी महिला दागिन्याचा डबा आणि पर्स लंपास करून बल्लारपूर स्थानकावर उतरले. उपासे यांच्या हे लक्षात येताच त्यांनी लगेच बल्लारपूर पोलीस स्टेशन गाठलं.
7 महिलांची टोळी पोलिसांकडून जेरबंद
तक्रारीनंतर बल्लारपूर पोलिसांनी तपासाचे चक्र फिरवले आणि चंद्रपूर येथून एका महिलेला पकडले. चौकशी केल्यानंतर गुन्हा निष्पन्न झाला. आणि यात चक्क सात महिलांना ताब्यात घेण्यात आले.
याचाच धागा घेतल्यावर नागपूर येथील घराचीही झाडाझडती घेतली तेव्हा आणखी काही ठिकाणचा मुद्देमाल आढळला.एकूण साडेचार लाखाचा मुद्देमाल या महिलांकडून जप्त झाला असून आरोपींना न्यायालयात सादर करून पोलीस कोठडी देण्यात आलेली आहे. यासोबतच अन्य ठिकाणच्या याच पद्धतीने झालेल्या चोरीच्या घटना उलगडण्याची शक्यता आहे.
(maharashtra Chandrapur Crime news a gang of women was arrested for stealing jewelery and purses from a bus)
हे ही वाचा :
मित्राचा वाढदिवस साजरा करुन घरी परतणाऱ्या 3 तरुणांचा अपघात, डंपरच्या धडकेत एकाचा जागीच मृत्यू
नांदेडच्या सरकारी दवाखान्यात चोरट्यांचा डल्ला, 3 लाखांची मशीन पळवली, सुरक्षेचा प्रश्न पुन्हा ऐरणीवर
