Mumbai Crime : मोबाईल चोरी रॅकेटमधील आणखी एका आरोपी अटक, 22 लाख रुपये किमतीचा मुद्देमाल जप्त
याआधी या टोळीतील 10 आरोपींना मुंबई क्राईम ब्रांचने जेरबंद केले आहे. मुंबई शहर आणि उत्तर प्रदेशातून या सर्व आरोपींच्या मुसक्या आवळण्यात आल्या. आता गुन्हे शाखेकडून टोळीच्या सूत्रधाराला अटक करण्याचा प्रयत्न सुरु आहे.
मुंबई : मुंबईत मोठ्या प्रमाणावर मोबाईल चोरीचे रॅकेट (Racket) सक्रिय आहे. मुंबईत मोबाईल चोरी (Mobile Theft) केलेले मोबाईल विकत घेऊन मग त्यांचा आयएमईआय क्रमांक बदलून ते परराज्यात विकणाऱ्या आणखी एका आरोपीच्या पोलिसांनी मुसक्या आवळल्या आहेत. आरोपीकडून 135 चोरीचे मोबाईल आणि एक स्कूटी जप्त (Seized) करण्यात आले आहे. जप्त केलेल्या मुद्देमालाची एकूण किंमत 22 लाख रुपये आहे. याआधी या टोळीतील 10 आरोपींना मुंबई क्राईम ब्रांचने जेरबंद केले आहे. मुंबई शहर आणि उत्तर प्रदेशातून या सर्व आरोपींच्या मुसक्या आवळण्यात आल्या. आता गुन्हे शाखेकडून टोळीच्या सूत्रधाराला अटक करण्याचा प्रयत्न सुरु आहे.
चोरीचे मोबाईल विकत घ्यायचे, मग आयएमईआय क्रमांक बदलून परराज्यात विकायचे
मुंबई शहरात मोबाईल चोरीच्या गुन्ह्यात मोठ्या प्रमाणात वाढ झाली आहे. चेंबूर येथील रहिवासी संभाजी विठ्ठल कोळेकर यांचा मोबाईल 15 जुलै रोजी चोरीला गेला होता. याबाबत त्यांनी ट्रॉम्बे पोलीस ठाण्यात मोबाईल चोरीचा गुन्हा दाखल केला होता. यानंतर चेंबूर क्राईम ब्रँचने मोबाईल चोरी प्रकरणाचा तपास सुरु केला. तपास करत असताना पोलिस या गँगपर्यंत पोहचली. मुंबई क्राईम ब्रँच युनिट 6 ने या टोळीतील 10 आरोपींना मुंबई शहर आणि उत्तर प्रदेशातून अटक केली. त्यानंतर या प्रकरणी पोलिसांची कारवाई अद्याप सुरुच आहे. या दरम्यान, या टोळीतील अन्य एक सदस्य चोरीचे मोबाईल बांग्लादेश येथे विक्रीसाठी पाठवत असल्याची माहिती पोलिसांना मिळाली. त्यानुसार पोलीस धाड टाकत सदर आरोपीला अटक करत त्याच्याकडील 135 मोबाईल जप्त केले. ही टोळी चोरीचे मोबाईल चोरायची मग ज्या मोबाईलचा आयएमईआय क्रॅक होत असेल, तो मोबाईलला भारतातच इतर भागांमध्ये विकत असत. (Another accused in mobile theft racket arrested, mobile worth Rs 22 lakh seized)
