रिक्षा चालकाची गोळ्या झाडून हत्या, मुंबईतील धारावीत थरार, महिलेवर संशय

मुंबई : गोळीबारात जखमी झालेल्या रिक्षा चालकाचा (Auto Rickhaw Driver Murder) उपचारादरम्यान मृत्यू झाला. मुंबईत हा धक्कादायक प्रकार (Mumbai Crime News) घडल्याचं उघडकीस आलं आहे. धारावी येथे दोन अज्ञात व्यक्तींनी त्याच्यावर गोळ्या झाडल्या (Dharavi Firing) होत्या. यामध्ये 30 वर्षीय रिक्षा चालक आमिर अनिस खान जखमी झाला होता. रविवारी सकाळी त्याची प्राणज्योत मालवली. सायन रुग्णालयात उपचार सुरु असताना त्याने अखेरचा श्वास घेतला. शनिवारी धारावीत आमिरवर चार राऊंड गोळीबार करणाऱ्या दोन संशयितांचा शोध धारावी पोलीस आणि शहर गुन्हे शाखा घेत आहेत. दोन गटांमधील वादातून रिक्षा चालकाची हत्या झाल्याचा पोलिसांना संशय आहे.

काय आहे प्रकरण?

गोळीबारात जखमी झालेल्या रिक्षा चालकाचा रुग्णालयात उपचार सुरु असताना मृत्यू झाला. मुंबईतील धारावी परिसरात मिठी नदीजवळ असलेल्या पिवळा बंगला भागात शनिवारी ही घटना घडल्याचं उघडकीस आलं आहे.

उपचारादरम्यान मृत्यू

दोन अज्ञात व्यक्तींनी त्याच्यावर गोळ्या झाडल्या होत्या. त्याच्यावर नजीकच्या सायन रुग्णालयात उपचार सुरु होते. मात्र उपचार सुरु असताना दुसऱ्याच दिवशी म्हणजे रविवारी सकाळी त्याचे निधन झाले.

महिलेची चौकशी सुरु

पोलिसांनी सांगितले की, त्याच्या छातीवर आणि पाठीवर दोन गोळ्या लागल्या होत्या, तर इतर दोन गोळ्या त्याच्या हाताला लागल्या होत्या. गोळीबार प्रकरणी आम्ही एका महिलेची चौकशी करत आहोत. आमची टीम आमिर अनिस खानवर गोळीबार करणाऱ्या दोघा जणांना पकडण्याचा प्रयत्न करत आहे. अद्याप कोणालाही अटक करण्यात आलेली नाही, असे एका पोलीस अधिकाऱ्याने सांगितले.

संबंधित बातम्या :

37 वर्षीय पत्रकाराची भररस्त्यात हत्या, अडीच वर्षांच्या लेकीसह कुटुंबातील चौघांसमोर संपवलं

डॉ. सुवर्णा वाजे जळीतकांडात आणखी एक खुलासा; पती संदीपभोवतीचा फास का झाला घट्ट?

मायलेकाने बापाला संपवलं, मृतदेह सातव्या मजल्यावरुन फेकला, बँक अधिकाऱ्याच्या हत्येने मुंबईत खळबळ