पित्याची आत्महत्या, तीन दिवसांनी मुलीच्या बॅगमध्ये सुसाईड नोट सापडली, एकाला अटक

नागपूर : मध्यमवयीन व्यक्तीच्या आत्महत्येनंतर (Suicide) तीन दिवसांनी त्यांच्या मुलीच्या बॅगमध्ये सुसाईड नोट (Suicide Note) सापडली. त्यामुळे आपल्या पतीने त्याला होणाऱ्या मानसिक त्रासातून आत्महत्या केल्याचं पत्नीला समजलं. त्यानंतर कुटुंबीयांनी पोलिसात तक्रार दाखल केली. त्यानुसार आरोपीला पोलिसांनी बेड्या ठोकल्या आहेत. नागपुरात (Nagpur Crime) हा धक्कादायक प्रकार उघडकीस आला आहे. नागपूरच्या प्रतापनगर पोलीस स्टेशनच्या हद्दीतील गोपळनगरमध्ये 21 फेब्रुवारीला ही घटना घडली होती. प्रदीप मारवाडे नावाच्या व्यक्तीने आत्महत्या केली होती. गळफास घेऊन त्यांनी आपल्या आयुष्याची अखेर केली होती. मात्र तोपर्यंत कुटुंबीयांना त्यांनी आपली जीवनयात्रा का संपवली, याचं नेमकं कारण समजलं नव्हतं.

काय आहे प्रकरण?

प्रदीप मारवाडे यांच्या आत्महत्येनंतर तीन दिवसांनी म्हणजेच 24 फेब्रुवारीला प्रदीप यांच्या मुलीच्या बॅगमध्ये प्रदीप यांनी लिहिलेली सुसाईड नोट मिळाली. त्यात आरोपी पंजू तोतवानी याच्या नावाचा उल्लेख होता. पंजूने आर्थिक गोष्टीवरुन होणाऱ्या मानसिक त्रासावरून आत्महत्या करत असल्याचं त्यात नमूद करण्यात आलं होतं.

सुसाईड नोटच्या आधारे कारवाई

पती प्रदीप यांनी आत्महत्या करण्यापूर्वी लिहिलेल्या चिठ्ठीच्या आधारे त्यांच्या पत्नीने या संदर्भात पोलिसांना माहिती दिली. त्यावरुन आरोपी पंजू तोतवानी याला मंगळवारी पोलिसांनी ताब्यात घेतलं.

राजकीय नेत्यांशी स्नेहसंबंध

पंजू तोतवानी याच्यावर याआधी देखील अनेक गुन्हे दाखल आहेत. तसेच विविध राजकीय नेत्यांशी त्याचे स्नेहसंबंध असल्याचं बोललं जातं. याचाच फायदा घेऊन तोतवानी लोकांना त्रास देत असल्याचा दावा केला जात आहे.

प्रतापनगर पोलिसांनी यासंदर्भात तोतवानीला अटक करुन मयत आणि आरोपीचे काय संबंध आहे, कुठल्या कारणांमुळे आत्महत्या केली याचा तपास सुरू केला आहे.

संबंधित बातम्या :

प्रेयसीच्या घरी प्रियकराची आत्महत्या; बसमध्ये ओळख, पण शेवट नाशिकमधल्या रस्त्यावर बेवारस

सोलापुरात माजी महिला ग्रामपंचायत सदस्याची आत्महत्या

आधी 49 वा मजला गाठला, मग 26 व्या मजल्यावर आले, मुंबईत वरिष्ठ बँक अधिकाऱ्याची आत्महत्या