गुजरातमधील व्यापाऱ्याचे अपहरण करुन फरार, नागपूर पोलिसांच्या जाळ्यात सापडला

आरोपी कितीही चतूर असता तरी तो पोलिसांच्या तावडीतून सुटू शकत नाही (Nagpur Police Arrest Kidnapper)

Namrata Patil | Updated on: Feb 03, 2021 | 10:13 PM

नागपूर : गुजरातमध्ये व्यापाऱ्याचे अपहरण करुन फरार झालेल्या आरोपीला अटक करण्यात आली आहे. या आरोपीकडून तब्बल 22 लाख रोख आणि इतर साहित्य सुद्धा जप्त करण्यात आले आहे. नागपूरच्या बेलतरोडी पोलिसांनी ही कारवाई केली आहे. (Nagpur Police Arrest Kidnapper)

गुजरातच्या गांधीधाममध्ये एका व्यापाऱ्याचे अपहरण केले होते. या गुन्ह्यातील कुख्यात आरोपी मनोज नंदकिशोर हा फरार होता. यानंतर गुजरात पोलिसांना आरोपीबद्दलची गुप्त माहिती मिळाली. या माहितीच्या आधारे त्यांनी नागपूर पोलिसांना ही माहिती दिली.

एक कुख्यात आरोपी राजस्थानवरून बेंगलोरकडे i20 कारने निघाला असून तो नागपूर मार्गे प्रवास करत आहे, अशी माहिती नागपूर पोलिसांना मिळाली होती. या माहितीवरुन पोलिसांनी पांजरी टोल नाक्याजवळ सापळा रचला. यानंतर आरोपीला अटक करण्यात आली.

यानंतर पोलिसांनी त्याची चौकशी केली असता त्याने उडवाउडवीची उत्तर देण्यास सुरुवात केली. मात्र पोलिसांनी त्याची झडती घेतली असता त्याच्याजवळ चार मोबाईल सापडले. त्यानंतर एक बॅग उघडली असता त्यात 22 लाख रुपयांची रोख रक्कम आढळली. यानंतर पोलिसांनी त्याला अटक केली आहे.

आरोपीने ती रक्कम अपहरण केलेल्या व्यापारी कडून घेतलेली होती की आणखी कुठून याचा तपास आता गुजरात पोलीस करेल. मात्र आरोपी कितीही चतूर असता तरी तो पोलिसांच्या तावडीतून सुटू शकत नाही, हे पुन्हा एकदा सिद्ध झाले आहे. (Nagpur Police Arrest Kidnapper)

विद्यार्थ्यांची ऑनलाईन उपस्थिती ग्राह्य धरुन त्यांना शिष्यवृत्ती द्या, धनंजय मुंडेंचा आदेश https://t.co/lLRpQr9aie @dhananjay_munde @CMOMaharashtra @NCPspeaks #scheduledcast #Buddhiststudents #DhananjayMunde

— TV9 Marathi (@TV9Marathi) February 3, 2021