Nanded | वाह रे चोरा.. आधी हात जोडले अन् मग देवाच्या दानपेटीवर डल्ला, नांदेडच्या मंदिरातली चोरी CCTV त कैद

नांदेड | शहरातील दयानंद नगर भागातील दत्त मंदिरातील दानपेटी (Donation Box) चोरीला गेल्याची घटना घडली आहे. शनिवारी रात्री झालेली ही चोरी (Nanded theft) घडली असून मंदिराच्या बाहेरील आणि आतील सीसीटीव्हीमध्ये (CCTV) चोरीची ही घटना कैद झाली आहे. प्रसिद्ध बिल्डर संजय बियाणी यांच्या हत्याकांडानंतर हादरलेल्या नांदेडमधील गुन्हेगारीच्या घटना वाढतच आहेत. चार दिवसांपूर्वी संजय बियाणींची हत्या झाली. त्यानंतर एका वसाहतीतील पार्किंमधील उभ्या बाईक्स जाळण्यात आल्या होत्या. काल पोलीस पथकावर गुंडांनी तलवारीने हल्ला केल्याची घटना घडली होती. आता दयानंद नगरातील दानपेटी चोरीला गेल्याची घटना घडली आहे. त्यामुळे आता मंदिरातील देवही सुरक्षित नसल्याची भावना नागरिकांमध्ये निर्माण होत आहे.

चोरानं आधी हात जोडले…

दरम्यान, दयानंद नगरातील दत्त मंदिरात घडलेली चोरीची ही संपूर्ण घटना सीसीटीव्हीमध्ये कैद झाली आहे. मंदिराबाहेरील आणि मंदिराच्या आतील दोन सीसीटीव्हींची दृश्य समोर आली आहेत. मंदिराबाहेर असताना दोन चोर सीसीटीव्हीत दिसतात. सुरुवातीला आपल्या मागेपुढे कुणी नाही ना, याची खात्री करून घेतात. नंतर त्यापैकी एक चोर देवासमोर हात जोडतो आणि दुसरा चोर आत शिरण्यासाठी पुढे जातो. मंदिराच्या आतील सीसीटीव्हीमध्ये पुढे गेलेला चोर दानपेटीकडे वळतो आणि दानपेटीतील पैसे पिशवीत भरायला सुरुवात करतो. तोपर्यंत बाहेर राहिलेला चोर दरवाज्यावर तैनातीसाठी थांबतो.

1 लाख रुपये पळवले

दानपेटीतील जवळपास एक लाख रुपये चोरट्यांनी पळवले असल्याची माहिती मंदिरदाच्या पुजाऱ्यांनी दिली आहे. आता सीसीटीव्हीत दिसणाऱ्या इसमांचा माग काढला जात आहे. या प्रकरणी पोलिसात तक्रार नोंदवण्यात आली असून दानपेटीवर डल्ला मारणाऱ्या चोरांचा तपास पोलीस करत आहेत.

इतर बातम्या-

गरीब मुस्लिम बांधवासोबत जे झालं, ते पाहून तळपायाची आग मस्तकात जाईल! धारवाडमधील संतापजनक घटना

Photo Gallery | दोन मुलांची आई असलेल्या करीनाचा फिटनेस पाहून व्हाल आश्चर्य चकित