VIDEO : शिरुरमध्ये नागरिकांच्या सतर्कतेमुळे बँक लुटण्याचा प्रयत्न फसला, चोरटे सीसीटीव्हीत कैद
पिंपळे जगताप गावातील चौकात आयडीबीआय बँक आहे. आज पहाटेच्या सुमारास पाच चोरटे या परिसरात घुसले. त्यांनी येथील पाच घरांसह एक दुकान लुटले. त्यानंतर ते शेजारी असलेल्या आयडीबीआय बँकेकडे वळले.
शिरुर : शिरुर तालुक्यातील पिंपळे जगताप येथे आयडीबीआय बँक (IDBI Bank) लुटण्याचा चोरट्यांचा प्रयत्न नागरिकांच्या सतर्कतेमुळे फसला आहे. चोरट्यांनी बँकेचे कुलूप तोडून आत प्रवेश केला. मात्र शेजारीच रहायला असलेल्या ग्रामपंचायत कर्मचाऱ्याला जाग आल्याने त्याने तात्काळ गावकऱ्यांना फोन करुन जागे केले. गावकरी जागे झाल्याची चाहूल लागताच चोरटे (Thieves) चोरी न करताच तेथून पसार झाले. परिसरातील सीसीटीव्ही (CCTV)त चोरटे कैद झाले आहेत. चोरट्यांनी आधी बँकेच्या शेजारी पाच घरांसह एका दुकानामध्ये चोरट्यांनी चोरी केली. मग चोरट्यांनी बँकेकडे आपला मोर्चा वळवला. मात्र गावकऱ्यांमुळे हा प्रयत्न अयशस्वी झाला.
चोरटे बँकेत घुसले मात्र गावकरी जागे झाल्याने त्यांचा प्रयत्न फसला
शिरूर तालुक्यातील औद्योगिक वसाहतीमधील हे पिंपळे जगताप गाव आहे. येथे परप्रांतीय मोठ्या प्रमाणात वास्तव्यास आहेत. या गावासह आजूबाजूच्या गावातही चोरीच्या घटनांमध्ये वाढ झाली आहे. पिंपळे जगताप गावातील चौकात आयडीबीआय बँक आहे. आज पहाटेच्या सुमारास पाच चोरटे या परिसरात घुसले. त्यांनी येथील पाच घरांसह एक दुकान लुटले. त्यानंतर ते शेजारी असलेल्या आयडीबीआय बँकेकडे वळले. बँकेचा टाळा तोडून त्यांनी आत प्रवेश केला. मात्र टाळे तोडताना बँकेच्या शेजारी राहत असलेल्या ग्रामपंचायत कर्मचाऱ्याला जाग आली आणि त्याने सर्व गावकऱ्यांना फोन करुन ही याची माहिती दिली. मात्र गावकरी जागे झाल्याची चाहूल चोरट्यांना लागली आणि त्यांनी तात्काळ तेथून पळ काढला. चौकातील सीसीटीव्हीत चोरटे कैद झाले आहेत. बँकेची चोरी रोखण्यात ग्रामस्थांना यश आले. सीसीटीव्हीच्या आधारे पोलीस चोरट्यांचा शोध घेत आहेत. (Bank robbery attempt foiled in Shirur due to vigilance of citizens)
