साताऱ्यात जवानाची निर्घृण हत्या, मारहाणीत मृत्यूचा बनाव उघड, पत्नीसह भावजय अटकेत

जवान संदीप पवार यांच्या हत्येमध्ये त्यांची पत्नी, भावजय आणि मेहुणा यांचा सहभाग असल्याचे निष्पन्न झाले. Satara Army Murder wife

साताऱ्यात जवानाची निर्घृण हत्या, मारहाणीत मृत्यूचा बनाव उघड, पत्नीसह भावजय अटकेत
Follow us
| Updated on: Jan 02, 2021 | 9:29 AM

सातारा : सैन्यदलात कार्यरत असणाऱ्या सातारा जिल्ह्यातील जवानाची हत्या झाल्याची धक्कादायक घटना उघडकीस आली आहे. जवानाच्या त्रासाला कंटाळून पत्नीनेच भावजय आणि मेहुण्याच्या साथीने हत्या केल्याची धक्कादायक माहिती आहे. संदीप जयसिंग पवार यांचा अज्ञातांच्या मारहाणीनंतर उपचारादरम्यान मृत्यू झाल्याचा बनाव रचण्यात आला होता. (Satara Army man Murder wife sister in law arrested)

साताऱ्यातील सैदापूर येथील भारतीय सैन्य दलात कार्यरत असणारे जवान संदीप जयसिंग पवार हे गावी सुट्टीवर आलो होते. 27 डिसेंबरला संध्याकाळी सहा वाजण्याच्या सुमारास अज्ञात व्यक्तींनी मारहाण करुन त्यांना जखमी केले, असा बनाव रचला होता. त्यानंतर पुण्यातील कमांड हॉस्पिटलमध्ये त्यांच्यावर उपचार सुरु होते, मात्र उपचारादरम्यान त्यांचे निधन झाले.

मारहाणीचा बनाव पत्नीकडून 

याबाबत त्यांच्या पत्नीनेच अज्ञात व्यक्तीविरोधात वानवडी पोलिस स्टेशनला गुन्हा दाखल केला होता. सातारा पोलीस अधीक्षक अजय कुमार बंसल यांनी हे प्रकरण गांभीर्याने घेतले. स्थानिक गुन्हे शाखेचे पोलिस निरीक्षक किशोर धुमाळ यांना हा गुन्हा उघड करण्यासाठी सूचना केल्या.

त्यानुसार एलसीबी पथकाने सदर गुन्ह्याच्या ठिकाणी भेट देऊन घरातील सदस्य, मयताचे नातेवाईक तसेच गावातील आजूबाजूचे लोक यांच्याकडे विचारपूस केली. चौकशी करताना घरातील कुटुंबीय काहीतरी माहिती लपवत असल्याचा संशय पोलिसांना आला.

हत्येत पत्नीसह नातेवाईकही सहभागी

घरातील नातेवाईकांना ताब्यात घेऊन पोलिसांनी त्यांची कसून चौकशी केली. तेव्हा जवान संदीप पवार यांच्या हत्येमध्ये त्यांची पत्नी, भावजय आणि मेहुणा यांचा सहभाग असल्याचे निष्पन्न झाले. याबाबत त्यांच्याकडे सखोल चौकशी केली असता मयत संदीप पवार हे सुट्टीवर आल्यावर दारु पिऊन कुटुंबीयांना शिवीगाळ करत, मारहाण करत वारंवार त्रास देत असल्याचा आरोप केला जात आहे.

त्रासाला कंटाळून 27 डिसेंबर रोजी सायंकाळी संदीप यांना घरात लाकडी कळकाच्या दांडक्याने मारहाण केल्याचे कुटुंबीयांनी कबूल केले. या गुन्हयातील आरोपींना अवघ्या चार तासाच्या आत ताब्यात घेऊन त्यांच्याकडे कुशलतेने विचारपूस करुन क्लिष्ट अशा गुन्ह्याचा उलगडा सातारा पोलिसांनी केला आहे.

संबंधित बातम्या :

पाणी पिण्याच्या बहाण्याने घर गाठलं, गर्भवती पत्नीची गोळी झाडून हत्या, वर्ध्यात जवानाची आत्महत्या

नाशकात सुट्टीवर घरी आलेल्या जवानाकडून पत्नीची हत्या

(Satara Army man Murder wife sister in law arrested)

'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'
'मंत्रिमंडळात नाव आहे, असं सांगितलं अन् शपथविधीच्या वेळी वगळलं...'.
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया
छगन भुजबळांचा मंत्रिमंडळातून पत्ता कट, मनोज जरांगे पहिली प्रतिक्रिया.
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'
मंत्रिमंडळातून पत्ता कट शिवतारे भडकले, 'आता अडीच वर्षांनी मंत्रिपद...'.
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?
मंत्रिमंडळ विस्तारानंतर नाराजी नाट्य, कोण-कोणत्या नेत्यांमध्ये नाराजी?.
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ
दोघांची दोस्ती अन् विधानभवनाच्या पायऱ्यांवर जमली गट्टी; बघा व्हिडीओ.
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत
बावनकुळेंनंतर भाजप प्रदेशाध्यक्षपदासाठी 'या' दोन नेत्यांची नावं चर्चेत.
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'
मंत्रिपद नाही, नाराज भुजबळ म्हणाले, 'मला डावललं, फेकलं फरक पडत नाही..'.
मंत्रिपद हुकलं... तानाजी सावंत बॅग पॅक करून नागपुरातून निघाले अन्...
मंत्रिपद हुकलं... तानाजी सावंत बॅग पॅक करून नागपुरातून निघाले अन्....
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले..
बिनखात्याचं मंत्रिमंडळ म्हणत संजय राऊतांचा महायुतीवर निशाणा; म्हणाले...
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद
आज महाराष्ट्र बंदची हाक, परभणीत आंबेडकर अनुयायांनी पुकारला जिल्हा बंद.