पैशासाठी पोटच्या मुलानेच बापाला संपवले, एक चूक नडली अन् पोलिसांच्या जाळ्यात अडकला !
पैशासाठी माणसाला रक्ताच्या नात्यांचाही विसर पडतो. माणसं कोणत्या थराला जातील याचा नेम नाही. जन्मदात्यांचाही विसर पडतो.
बुलंदशहर : पैशासाठी माणसं कोणत्या थराला जातील याचा नेम नाही. पैशापुढे रक्ताच्या नात्यांचाही विसर पडतो. अशीच एक घटना उत्तर प्रदेशातील बुलंदशहरमध्ये घडली आहे. पैशासाठी मुलानेच वडिलांची हत्या केल्याची धक्कादायक घटना औरंगाबाद क्षेत्रातील सुरजावली गावात घडली आहे. याप्रकरणी पोलिसांनी राजकुमार उर्फ राजू विरोधात गुन्हा दाखल केला आहे. पोलिसांनी आरोपीला अटक केली आहे. आरोपी मुलाला दारुचे व्यतसन होते. मृतेदहाच्या शरीरावरील दातांच्या निशाणीवरुन पोलिसांनी आरोपीला पकडले. घटना उघड होताच कुटुंबीयांच्या पायाखालची जमीनच सरकली.
पैशासाठी वडिलांना संपवले
वडिल 1 लाख रुपये देत नव्हते, म्हणून राजकुमारने त्यांची हत्या केली. हत्येची माहिती मिळताच पोलिसांनी घटनास्थळी दाखल होत मृतदेह ताब्यात घेत शवविच्छेदनासाठी रुग्णालयात पाठवला. मृतेदहाच्या शरीरावर चावण्याचे निशाण होते. पोलिसांनी त्याचे फोटो काढून गुजरातच्या प्रयोगशाळेत पाठवले. दाताचे निशाण पाहून पोलिसांना कुटुंबीयांवर संश आला. पोलिसांनी कुटुंबीयांच्या दातांचे निशाण तपासणीसाठी पाठवले. तपासणीत मयताच्या मोठ्या मुलाच्या दाताचे निशाण असल्याचे निष्पन्न झाले.
दाताच्या निशाणवरुन आरोपीला अटक
पोलिसांनी आरोपीला ताब्यात घेत कसून चौकशी केली असता त्याने सर्व घटना सांगितली. यानंतर पोलिसांनी आरोपीला अटक केली आहे. पोलिसांनी आरोपीकडून मयत पित्याचे कपडे, डायरी आणि बँकेचे पासबुक जप्त केले आहे. या घटनेमुळे कुटुंबीयांना धक्का बसला आहे. कुटुंबीयांनी दिलेल्या माहितीनुसार मयत पिता आरोपी राजूवर सर्वाधिक प्रेम करायचे. पण त्यानेच वडिलांचा काटा काढला.
