Accident : रात्री ड्रायव्हिंग करताना डोळा लागल्यानं भीषण अपघात, 10 जण जागीच ठार

उत्तर प्रदेशातील (Uttar Pradesh Accident) भीषण अपघातामध्ये 10 जणांचा मृत्यू झाला आहे. तर सात लोक गंभीर जखमी झाले आहेत. यातील दोघांची प्रकृती अत्यंत नाजूक आहे. जखमींवर बरेलीमध्ये उपचार सुरु आहेत. अपघातातील मृत लखीमपूर जिल्ह्यातील असल्याची माहिती समोर आली आहे. हरिद्वारहून लखीमपूरच्या दिशेने येणाऱ्या भरधाव वाहन झाडावर (Road accident) आदळलं. ही धडक इतकी जोरदार होती जागीच 10 लोकांचा मृत्यू (10 people killed) झाला. अपघाताच्या आजूबाजूला जंगल परिसर असल्यानं बचावकार्यालाही उशीर होतोय. चालकाचा डोळा लागल्यानं हा अपघात झाला. पहाटे चार वाजण्याच्या सुमारात ही दुर्घटना घडली. गजरौल पोलीस टाण्याच्या हद्दीमध्ये हा अपघात झाला. अपघातातील सर्वजण हे लखीमपूरच्या गोला कसबा इथं राहणारे होते. या घटनेनं मृतांच्या कुटुंबीयांना दुःखाचा डोंगर कोसळलाय.

10 ठार, 7 जखमी

अपघाताची माहिती मिळाल्यानंतर प्रशासनही घटनास्थळी दाखल झालं. त्यानंतर अपघातग्रस्त वाहनांतून जागीच मृत्यूमुखी पडलेल्या प्रवाशांचे रक्तबंबाळ झालेले मृतदेह बाहेर काढण्यात आले. शिवाय जखमींनाही तातडीनं रुग्णालयात उपचारासाठी पाठवण्यात आलं. सात जखमींपैकी दोघांची प्रकृती चिंताजनक आहे. सर्व जखमींवर बरेलीच्या रुग्णालयामध्ये उपचार केले जात आहेत.

हे सुद्धा वाचा

Uddhav Thackeray: उद्धव ठाकरेंचा ‘शरद पवार मोमेंट’, वर्षा ते मातोश्री, मुख्यमंत्र्यांची ती 25 मिनिटं ज्यात शिंदे आपोआप ‘व्हिलन’ झाले !

Uddhav Thackeray : बहुमत गमावल्यानंतर भावनिक साद कसली? भाजप नेत्यांचा मुख्यमंत्र्यांना खोचक सवाल; कांगावा सुरु असल्याचाही आरोप

Eknath Shinde: वक्त वक्त की बात है, एक एक आमदार शोधून सरकार बनवणारे शिंदे ते पक्षच हायजॅक करणारे शिंदे, पहा व्हिडीओ

UP: 10 dead, 7 injured after a DCM vehicle returning from Haridwar met with an accident at about 4:30 am this morning. Of the 17 people, 10 died on the spot, 5 being treated at a district hospital, 2 referred to Bareilly. We’ve contacted their families..- Pilbhit DM Pulkit Khare pic.twitter.com/2ZzuCNDIev

— Dynamite News (@DynamiteNews_) June 23, 2022

वाहनाचा चक्काचूर

या अपघाताची माहिती मिळाल्यानंतर उत्तर प्रदेशचे मुख्यमंत्री योगी आदित्यनाथ यांच्या कार्यालयाकडून ट्वीट करत घटनेबाबत दुःख व्यक्त करण्यात आलंय. तसंच जिल्हा प्रशासनालाही या घटनेवर नजर ठेवून योग्य ती मदत करण्याचेही निर्देश देण्यात आलेत. या अपघातामध्ये वाहनाचा तर अक्षरशः चक्काचूर झालाय. एका सिक्स सीटर गाडीतून प्रवासी निघाले होते. त्यादरम्यान, ही दुर्दैवी घटना घडली.

दुसरा भीषण अपघात

नुकतीच बुधवारी हमीरपूरमध्ये एक भीषण दुर्घटना झाली होती. या दुर्घटनेमध्ये एक लोडर आणि रिक्षामध्ये धडक होईल तब्बल आठ जणांचा जीव गेला होता. यात एका पाच वर्षांच्या मुलासह दोन महिलांचाही समावेश होते.