राम मंदिर उद्घाटनादिवशी बॉलिवूड इंडस्ट्री इतिहासात पहिल्यांदाच राहणार बंद

मुंबई : अयोध्येमध्ये राम मंदिराचा प्राणप्रतिष्ठा सोहळा 22 जानेवारीला पार पडणार आहे. या सोहळ्याआधी संपूर्ण देशभरात उत्साहाचं आणि आनंदाचं वातावरण पाहायला मिळत आहे. राज्यातही सार्वजनिक सुट्टी जाहीर करण्यात आलीये. देशातील प्रत्येक रामभक्त या क्षणाची वाट पाहत आहे. अशातच माहिती समजत आहे की, 22 जानेवारीला संपूर्ण बॉलिवूड बंद राहणार आहे. या दिवशी कोणत्याही चित्रपटाचे शुटींग होणार नसल्याचं समजत आहे.

फेडरेशन ऑफ वेस्टर्न इंडिया सिने एम्प्लॉइजने सुट्टी जाहीर केली आहे. एफडब्ल्यूआयसीईचे अध्यक्ष बीएन तिवारी यांनी निवेदनात, विशेष प्रसंगी सुट्टी जाहीर करत असून कोणत्याही चित्रपटाचं शुटींग होणार नाही.  कारण सर्व कर्मचाऱ्यांना सुट्टी जाहीर करण्यात आली आहे.

फक्त या चित्रपटांचं शुटींग राहणार सुरू

जर एखाद्या चित्रपटाचं शुटींग न केल्यास मोठं नुकसान होत असेल किंवा काही एमेरजन्सी असेल तर परवानगी मिळणार आहे. त्यासाठी जे काही योग्य कारण असेल ते नमूद करून विनंती पत्र पाठवावं लागणार आहे. त्यानंतर परिस्थितीच गांभीर्य लक्षात घेऊन परवानगी दिली जाणार असल्याचं बीएन तिवारी यांनी म्हटलं आहे.

रामलल्लाचा प्राण प्रतिष्ठान सोहळा देशभरातील रामभक्तांना यावा म्हणून सत्तरपेक्षा जास्त शहरातील 160 हून अधिक सिनेमागृहांमध्ये लाईव्ह पाहता दाखवलं जाणार आहे. यासाठी तुम्हाला 100 रूपये देऊन सिनेमागृहांमध्ये एन्ट्री मिळणार आहे.

दरम्यान, बॉलिवूडमधील महानायक अमिताभ बच्चन, अनुपम खेर, अजय देवगण, सनी देओल, हेमा मालिनी, रणबीर कपूर, आलिया भट,मधुर भांडारकर आणि जय लीला भन्साळी यांना आमंत्रित केलं आहे. साऊथमधील मेगास्टार चिरंजीवी, रजनीकांत, ऋषभ शेट्टी, यश, प्रभास आणि मोहनलाल यांनाही बोलावण्यात आलं आहे.