वरुण धवन आणि नताशा दलालच्या लग्नाची नवी तारीख समोर, स्थळंही ठरलं!
गेल्या काही दिवसांपासून हे दोघेही विवाहबंधनात अडकणार असल्याच्या चर्चांना उधाण आलं होतं. (Varun Dhawan Natasha Dalal Marriage Date)
मुंबई : बॉलिवूड अभिनेता वरुण धवन (Varun Dhawan) आणि फॅशन डिझायनर नताशा दलाल (Natasha Dalal) हे दोघेही रिलेशनशिप आहेत. हे दोघेही प्रत्येक कार्यक्रमांना एकत्र हजेरी लावतात. गेल्या काही दिवसांपासून हे दोघेही विवाहबंधनात अडकणार असल्याच्या चर्चांना उधाण आलं होतं. नुकतंच या दोघांच्या लग्नाची एक नवीन तारीख समोर आली आहे. (Varun Dhawan Natasha Dalal to get married on 24 January)
येत्या 24 जानेवारीला वरुण धवन आणि नताशा दलाल विवाहबंधनात अडकणार आहे. वरुण धवन यांचे वडील आणि चित्रपट दिग्दर्शक डेव्हिड धवन यांच्या एका जवळच्या मित्राने या वृत्ताला दुजोरा दिला आहे.
बॉलिवूड हंगामा या वृत्तवाहिनीने दिलेल्या माहितीनुसार, डेव्हिड धवन यांच्या एका जवळच्या मित्राने वरुण धवनच्या लग्नाच्या तारीख ठरल्याची माहिती दिली आहे. गेल्या काही दिवसांपासून मला अनेक पत्रकारांनी वरुणच्या लग्नाच्या तारखेबद्दल विचारण्यासाठी फोन केला होता. मी त्यांनी ही अफवा असल्याचे सांगितले होते. मात्र मी तुमच्याशी खोटं बोलू शकत नाही. वरुणने कुली नं 1 या चित्रपटानंतर लग्नाचा निर्णय घेतला होता, असे ते म्हणाले.
वरुण धवन आणि नताशा दलाल हे दोघेही येत्या 24 जानेवारीला विवाहबंधनात अडकणार आहेत. अलिबागमध्ये हा विवाहसोहळा पार पडेल. कोरोना कायम राहणार आहे. त्यामुळे अजून किती वेळ वाट पाहणार, असेही त्यांनी सांगितले.
लॉकडाऊननंतर अनेकजण धुमधडाक्यात लग्न करत आहे. पण वरुण आणि नताशा असे करु शकत नाही. जर त्यांच्या लग्नात 50 हून अधिक पाहुणे उपस्थित राहिले, तर ते अडचणीत येतील. त्यामुळे या लग्नात केवळ जवळचे नातेवाईक उपस्थित असणार आहे.
कोण आहे नताशा दलाल?
नताशा दलाल एक प्रसिद्ध फॅशन डिझायनर आहे. तिने आतापर्यंत अनेक बॉलिवूडमधील सेलेब्रिटींसाठी ड्रेस डिझाईन केले आहेत. तसेच वरुण धवन आणि नताशा लहापणापासूनचे मित्र आहेत. नताशाने न्यूयॉर्कमधून फॅशन डिझाईनिंगचे शिक्षण घेतले आहे. सध्या ती मुंबईत आई -वडिलांसोबत राहते. नताशाचे वडील उद्योगपती असून आई गृहिणी आहे. विशेष म्हणजे नताशाचा आवडता अभिनेताही वरुण धवन आहे. तसेच ती स्केच आणि डॉग लव्हर आहे. (Varun Dhawan Natasha Dalal to get married on 24 January)
संबंधित बातम्या :
कोरोनाचा बॉलिवूडला विळखा, आयफा सोहळा पुढे ढकलला, वरुण धवनचं विवाहस्थळ बदलणार?
