कबीर खान आता पॅराप्लेजिक ऑलिम्पियनचा बायोपिक बनवणार, कार्तिक आर्यन या चित्रपटात मुख्य भूमिकेत दिसणार
या चित्रपटाबद्दल आनंद व्यक्त करताना कार्तिक आर्यनने कबीर खान आणि साजिद नाडियाडवाला यांचा एक फोटो शेअर केला आणि कॅप्शनमध्ये लिहिले की, 'हे माझ्यासाठी खूप खास आहेत. मी माझे आवडते चित्रपट निर्माते आणि माझ्या @kabirkhankk आणि #SajidNadiadwala सरांच्या या रोमांचक प्रवासाबद्दल खूप उत्सुक आहे.
मुंबई : कार्तिक आर्यनच्या (Karthik Aryan) ‘भूल भुलैया 2’ या चित्रपटाने अपेक्षेपेक्षा जास्त कमाई केली आहे. कोरोना महामारीनंतरचा हा पहिलाच चित्रपट होता जो यशस्वी झाला. आता कार्तिक विषयी एक महत्वाची बातमी पुढे येते आहे, कबीर खानच्या (Kabir Khan) पुढील चित्रपटात तो पॅराप्लेजिक ऑलिम्पियनची भूमिका साकारणार आहे. कबीर खान दिग्दर्शित आणि साजिद नाडियाडवाला (Sajid Nadiadwala) निर्मित या चित्रपटात कार्तिक आर्यन ‘पॅराप्लेजिक ऑलिम्पियन’च्या भूमिकेत दिसणार असल्याची एकच चर्चा सुरू आहे. या चर्चेनंतर कार्तिक आर्यनचे चाहते खूप खुश असल्याचे देखील कळते आहे.
कार्तिक आर्यनने कबीर खान आणि साजिद नाडियाडवाला यांचा एक फोटो शेअर
या चित्रपटाबद्दल आनंद व्यक्त करताना कार्तिक आर्यनने कबीर खान आणि साजिद नाडियाडवाला यांचा एक फोटो शेअर केला आणि कॅप्शनमध्ये लिहिले की, ‘हे माझ्यासाठी खूप खास आहेत. मी माझे आवडते चित्रपट निर्माते आणि माझ्या @kabirkhankk आणि #SajidNadiadwala सरांच्या या रोमांचक प्रवासाबद्दल खूप उत्सुक आहे. हा एक बायोपिक चित्रपट असल्याचीही माहिती मिळत आहे. त्यामुळे ज्या ऑलिम्पियनची बायोपिक बनवली जात आहे त्याची संमती घेतली असावी हे तर स्पष्टच आहे.
भूल भुलैया 2 नंतर कार्तिकचा हा चित्रपट येणार प्रेक्षकांच्या भेटीला
ईटाइम्सला दिलेल्या मुलाखतीत रणवीर सिंहने सांगितले होते की, त्याला हा चित्रपट ऑफर करण्यात आला होता. ’83’ आणि ‘स्त्री’ या चित्रपटाचे लेखक सुमित अरोरा यांनीही या चित्रपटाचे लेखन केले आहे. कबीर खान, साजिद नाडियाडवाला आणि अभिनेता कार्तिक आर्यन देखील या स्क्रिप्टवर खूप खूश असल्याचे सांगितले जात आहे. भूल भुलैया 2 नंतर कार्तिकचा हा चित्रपट काय कमाल करणार हे पाहण्याासारखे आहे. मात्र, कार्तिकचे चाहते त्याच्या नवीन चित्रपटाची आतुरतेने वाट पाहताना दिसत आहेत.
