Net Worth : ‘गँग्स ऑफ वासेपुर’मधून हुमा कुरेशीची बॉलिवूडमध्ये एण्ट्री, एका चित्रपटासाठी घेते एवढी रक्कम
गँग्स ऑफ वासेपुर नंतर हुमा इश्किया, हायवे, जॉली एलएलबी 2 यासारख्या अनेक चित्रपटांमध्ये दिसली आहे. (Huma Qureshi's entry in Bollywood from 'Gangs of Wasseypur', See the net worth)
मुंबई : बॉलिवूडमध्ये स्वत:ची वेगळी ओळख निर्माण करणारी अभिनेत्री हुमा कुरेशीनं (Huma Qureshi) आज 28 जुलैला आपला वाढदिवस (Birthday) साजरा करत आहे. गँग्स ऑफ वासेपुर या चित्रपटाद्वारे हूमानं 2012 साली बॉलिवूडमध्ये डेब्यू केला होता आणि तिचा अभिनय सर्वांनाच आवडला होता. हुमा बॉलिवूडमध्ये अनेक वर्षांपासून आहे आणि तिने आपली खास ओळख निर्माण केली आहे. आज हुमा यांच्या वाढदिवशी आम्ही तुम्हाला तिच्या नेट वर्थबद्दल सांगत आहोत.
गँग्स ऑफ वासेपुर नंतर हुमा इश्किया, हायवे, जॉली एलएलबी 2 यासारख्या अनेक चित्रपटांमध्ये दिसली आहे. आपल्या अभिनयानं सर्वांची मन जिंकणारी हुमा कुरेशी शाही जीवनशैली जगते.
Superstarspot.comच्या वृत्तानुसार, हुमा कुरेशीची एकूण मालमत्ता सुमारे 22, 4 कोटी आहे. ती चित्रपटात काम करण्याबरोबरच ब्रँड अँन्डॉर्सेसद्वारेही कमाई करते, जर अहवालांवर विश्वास ठेवला तर हुमा एका चित्रपटात काम करण्यासाठी 2-3 कोटी रुपये घेते.
लक्झरी कारची आवड
हुमाला लक्झरी कारची आवड आहे. तिच्याकडे SUV Land Rover Freelander, Mercedes Benz अशा अनेक गाड्या आहेत.
जाहिरातींनी नशिब बदलले
कॉलेज संपल्यानंतर हुमानं थिएटर करायला सुरुवात केली. थिएटर केल्यावर ती नशीब आजमावण्यासाठी मुंबईत आली. मुंबईत तिने अनेक चित्रपटांसाठी ऑडिशन दिल्या मात्र यशस्वी झाली नाही. त्यानंतर हुमानं जाहिरांतींसाठी काम करायला सुरू केली. हुमाला बॉलिवूडमधील मिस्टर परफेक्शनिस्ट आमिर खान आणि किंग ऑफ रोमांस शाहरुख खान यांच्यासोबत एका जाहिरातीमध्ये काम करण्याची संधी मिळाली आणि तिचे नशीब चमकलं. 2012 साली हुमाला ‘गँग्स ऑफ वासेपुर’ या चित्रपटाची ऑफर देण्यात आली होती.
वर्कफ्रंटबद्दल बोलायचं झालं तर हुमा कुरेशी लवकरच अक्षय कुमारसमवेत बेल बॉटम या चित्रपटात दिसणार आहे. हा चित्रपट 30 जुलै रोजी चित्रपटगृहात प्रदर्शित होणार होता, मात्र कोरोनाच्या पार्श्वभूमीवर हा चित्रपट पुढे ढकलण्यात आला आहे. रिपोर्टवर विश्वास ठेवला तर हा चित्रपट 15 ऑगस्टच्या निमित्ताने प्रदर्शित होऊ शकतो. निर्मात्यांनी अधिकृतपणे या चित्रपटाच्या नवीन तारखेची घोषणा केलेली नाही.
संबंधित बातम्या
Indian Idol 12 : ‘इंडियन आयडल 12’ स्क्रिप्टेड म्हणणाऱ्यांना आदित्य नारायणनं फटकारलं, म्हणाला…
Raj Kundra Case : शिल्पा शेट्टीला क्लीन चीट नाहीच, सर्व बँक खात्यांची चौकशी होणार
